సందేశ్ ఖాళీ బీజేపీ అభ్యర్థి రేఖాపాత్రకు ముప్పు
ఇంటలిజెన్స్ నివేదికతో అప్రమత్తం మరో ఐదుగురు నాయకులకు కూడా ఎక్స్ కేటగిరి కింద భద్రత పెంపు
కోల్ కతా: సందేశ్ ఖాళీ నుంచి పోటీ చేస్తున్న బీజేపీ ఎంపీ అభ్యర్థికి కేంద్రం మంగళవారం నుంచి ఎక్స్ కేటగిరి భద్రత కల్పించింది. ఇంటలిజెన్స్ నివేదికల్లో బసిర్‌హాల్‌లో బీజేపీ ఎంపీ అభ్యర్థి రేఖా పాత్రపై దాడులు జరిగే అవకాశం ఉందని గుర్తించింది. నివేదికను కేంద్రానికి వెల్లడించింది. దీంతో కేంద్రం వెంటనే ఆమెకు భద్రత కల్పించాలని నిర్ణయించింది. ఇటీవలి కాలంలో సందేశ్ ఖాళీలు మహిళలపై జరుగుతున్న పరిణామాలపై రేఖా పాత్ర తీవ్రంగా వ్యతిరేకించింది.
టీఎంసీ షేక్ షాజహాన్ పై రాష్ర్టపతికి కూడా ఫిర్యాదు చేసింది. దీంతో బీజేపీ బాధితురాలిలే తమ అభ్యర్థిగా ఎన్నుకొని మహిళా లోకానికి అండగా నిలిచింది. ఇటీవలే సందేశ్ ఖాళీలో ఈడీ, ఎస్పీజీ, బాంబు స్క్వాడ్ దాడుల్లో భారీ ఎత్తున ఆయుధాలు, మందుగుండు సామాగ్రి, బాంబులు స్వాధీనం చేసుకున్న విషయం తెలిసిందే. ఈ నేపథ్యంలో రేఖా పాత్రకు సెంట్రల్ ఇండస్ట్రియల్ సెక్యూరిటీ ఫోర్స్ కమాండోలు రక్షణ కల్పించారు. ఈమెతోపాటు మరో ఐదుగురు బీజేపీ నాయకులకు కూడా ముప్పు పొంచి ఉందని ఇంటలిజెన్స్ గుర్తించింది. ఆ నాయకులకు కూడా భద్రత పెంచారు.
ఝర్‌గ్రామ్‌ నుంచి బీజేపీ తరపున పోటీ చేస్తున్న ప్రణత్‌ తుడుతో పాటు బహరంపూర్‌ నుంచి నిర్మల్‌ సాహా, జయనగర్‌ నుంచి అశోక్‌ కందారీ, మధురాపూర్‌ నుంచి అశోక్‌ పుర్‌కైత్‌లకు ‘ఎక్స్-కేటగిరీ’ భద్రత కల్పిస్తున్నట్లు కేంద్ర హోంమంత్రత్వ శాఖ తెలిపింది. కాగా, రాయ్‌గంజ్‌ బీజేపీ అభ్యర్థి కార్తీక్‌ పాల్‌కు ‘వై కేటగిరీ’ భద్రతను కేటాయింది.
