కర్ణాటకలో పెట్రోల్​, డీజీల్​ ధరల పెంపు

బెంగళూరు: కర్ణాటక ప్రభుత్వం వాహనదారులకు షాక్​ ఇచ్చింది. పెట్రోల్​, డీజీల్​ ధరలను పెంచింది. శనివారం పెరుగుదల జీవోను జారీ చేసింది. ఈ జీవో ప్రకారం పెట్రోల్​ పై రూ. 3, డీజిల్​ పై రూ.3.05 పెరగనుంది. కాంగ్రెస్​ సీఎం సిద్ధిరామయ్య నేతృత్వంలోని మంత్రివర్గం ధరలను పెంచాలని నిర్ణయం తీసుకుంది. కాంగ్రెస్ ప్రభుత్వం తీసుకున్న నిర్ణయం మేరకు పెట్రోల్‌పై 29.84 శాతం, డీజిల్‌పై 18.44 శాతం అమ్మకపు పన్నును పెంచింది. ఈ నిర్ణయం ప్రభావం గురించి పెట్రోలియం డీలర్స్ అసోసియేషన్, కర్ణాటకలో తక్షణమే అమల్లోకి వస్తే, పెట్రోల్ ధర సుమారు రూ. 3 పెరుగుతుందని, డీజిల్ ధర రూ. 3.05 పెరుగుతుందని చెప్పారు. ప్రభుత్వం నిర్ణయం వల్ల సరుకు రవాణా వాహన ధరల్లో కూడా పెరుగుదల ఉంటుందని వాహనదారుల యాజమానులు పేర్కొన్నారు. ప్రభుత్వం తీసుకున్న ఈనిర్ణయం వల్ల నిత్యావసరాల ధరలు కూడా పెరిగే అవకాశం ఉంది.