టాటాఏస్​ టారీ ఢీ రోడ్డుపై పడ్డ రూ. 7 కోట్ల నగదు కట్టలు

విశాఖపట్నం: ఆంధ్రప్రదేశ్​ లోని నల్లజర్ల మండలం అనంతపల్లిలో టాటా ఏస్​ వాహనం లారీని ఢీకొట్టి బోల్తా పడింది. దీంతో అందులో దాచిపెట్టిన రూ. 7 కోట్ల నగదు కాస్త రోడ్డుపై పడిపోయింది. శనివారం చోటు చేసుకున్న ప్రమాదం వల్ల అక్రమ నగదును పోలీసులు స్వాధీనం చేసుకున్నారు. నగదును టాటా ఏస్​ లో అట్ట పెట్టెల్లో దాచి తీసుకువెళుతుండగా అతివేగం కారణంగా ప్రమాదం చోటు చేసుకోవడం విషయం బట్టబయలైనట్లయ్యింది. 

స్వాధీనం చేసుకున్న మొత్తాన్ని పోలీసులు స్వాధీనం చేసుకొని ఎన్నికల అధికారులకు సమాచారం ఇచ్చారు. డ్రైవర్​ కు గాయాలు కాగా అతన్ని గోపాలపురం ఆసుపత్రికి తరలించి చికిత్సందిస్తున్నారు. వాహనం విజయవాడ నుంచి విశాఖపట్నం వెళుతోండా ప్రమాదం చోటు చేసుకోవడంతో ఈ విషయం బట్టబయలైనట్లు పోలీసులు తెలిపారు. నగదు ఎవరి వద్ద నుంచి ఎవరి వద్దకు వెళుతుందనే విషయాన్ని విచారిస్తున్నట్లు తెలిపారు. 
శుక్రవారం కూడా రూ. 8 కోట్ల నగదు పట్టుబడిన విషయం తెలిసిందే.