రూ. 13.87 కోట్లతో డాప్లర్ రాడార్ల ఏర్పాటు
వాతావరణ ఖచ్చిత సమాచారం సాధ్యం ప్రాణ, ఆస్తి నష్టాల తగ్గింపునకు చర్యలు పార్లమెంట్ లో కేంద్రమంత్రి జితేంద్రసింగ్
నా తెలంగాణ, న్యూ ఢిల్లీ: ఖచ్చితమైన వాతావరణాన్ని అంచనా వేసేందుకు కేంద్ర ప్రభుత్వ డాప్లర్ వాతావరణ రాడార్ లను ఏర్పాటు చేసేందుకు రూ 13.87 కోట్లు వెచ్చించిందని కేంద్రమంత్రి జితేంద్ర సింగ్ తెలిపారు. శుక్రవారం పార్లమెంట్ లో లిఖిత పూర్వక సమాధానం ఇచ్చారు.
దీని ద్వారా వాతావరణంలోని అననుకూల పరిస్థితులను తెలుసుకొని ముందే జాగ్రత్త పడవచ్చన్నారు.
హిమాచల్ ప్రదేశ్ లోని మూడు ప్రాంతాల్లో ఈ డాప్లర్ వెదర్ రాడర్లు పనిచేస్తున్నయని తెలిపారు.
వీటి ద్వారా వాతావరణానికి సంబంధించి ఖచ్చితమైన డేటా అందుతోందన్నారు.
హిమాచల్ లోని గిరిజన అత్యంత ఎత్తైన ప్రాంతం లాహౌల్-స్పితిలో ఈ రకమైన డాప్లర్ ను ఏర్పాటు చేశామన్నారు. దీని ద్వారా ప్రకృతి వైపరీత్యాల ఖచ్చితత్వంతో కూడుకున్న సమాచారం అందుతోందన్నారు. వీటి వినియోగం వల్ల ఆస్తి, ప్రాణ నష్టాలను నివారించడంలో ప్రభుత్వం, అధికారులు, ప్రజలు అప్రమత్తమవుతారని తెలిపారు.
