డిజిటల్ విప్లవం
Digital revolution
95.15 శాతం గ్రామాల్లో ఇంటర్నెట్ కనెక్టివిటీ
954.40 మిలియన్ల సబ్‌స్క్రైబర్‌లు
మొబైల్ కనెక్టివిటీ కలిగి ఉన్న గ్రామాలు 6,12,952
9వేల కుగ్రామాల్లో 4జీ కనెక్టివిటీకి రూ. 11వేల కోట్లు అందజేత
పీఎం గతిశక్తి సంచార్ పోర్టల్ ద్వారా టవర్ల ఏర్పాటు సులభతరం
నా తెలంగాణ, సెంట్రల్ డెస్క్: దేశంలోని అన్ని ప్రాంతాల్లో డిజిటల్ సేవలను అందించాలన్న లక్ష్యంతో కేంద్ర ప్రభుత్వం, ప్రధాని నరేంద్ర మోదీ తీసుకుంటున్న చొరవ సత్ఫలితాలను సాధిస్తోంది. దేశంలోని 95.15 శాతం గ్రామాల్లో ఇంటర్నెట్ సౌకర్యం అందుబాటులో ఉంది.
నగరాలనే కాకుండా గ్రామాల్లోనూ డిజిటల్ సేవలను విస్తృతం చేయాలని మోదీ ప్రభుత్వం సంకల్పించింది. ఇంటర్నెట్ అందుతున్న గ్రామాల్లో ప్రస్తుతానికి 3జీ, 4జీ కనెక్టివిటీని అందజేస్తోంది. 2014లో 251.59 మిలియన్లుగా ఇంటర్నెట్ సబ్‌స్క్రైబర్‌లు ఉండగా, 2024 వరకు ఆ సంఖ్య 954.40 మిలియన్ల (14.26శాతం)కు పెరిగింది.
2024 ఏప్రిల్ నాటికి 6,44,131 గ్రామాల్లో మొబైల్ కనెక్టివిటీని కలిగిన ఉన్న గ్రామాలు 6,12,952గా ఉన్నాయి. గత పదేళ్లుగా మోదీ ప్రభుత్వం తీసుకుంటున్న చర్యలతో భారీగా ఇంటర్నెట్ వినియోగించే వారి సంఖ్య పెరిగింది. దీన్ని దృష్టిలో పెట్టుకొని కేంద్రం భారత్ నెట్ ప్రాజెక్టు కింద అన్ని గ్రామ పంచాయలలో ఆప్టికల్ ఫైబర్ కేబుల్ కనెక్టివిటీతో అనుసంధానించాలని నిర్ణయించింది. ఇప్పటికే 2.22 లక్షల గ్రామ పంచాయతీల్లో 2.13 లక్షల గ్రామాలు ఇంటర్నెట్ సేవలందించేందుకు సిద్ధమయ్యాయి.
దేశంలో 35,680 చిన్న గ్రామాలున్నాయి. ఇక్కడ ఇప్పటికీ 4 జీ కనెక్టివిటీ లేదు. ఈ ప్రాంతాలన్నీ సరిహద్దులు, కొండా కోనలు, అటవీ వంటి ప్రాంతాల్లో ఈ గ్రామాలున్నాయి. వీటిలో 9వేల గ్రామాలకు 4జీ కనెక్టివిటీని అందించేందుకు కేంద్రం రూ. 11వేల కోట్లను అందించింది.
వీటితోపాటు సరిహద్దుల్లో మొబైల్ టవర్ల సంఖ్యను పెంచడం, టవర్ల ఏర్పాటు కోసం లైసెన్సింగ్ విధానాన్ని సరళీకృతం చేయడం లాంటి చర్యలను చేపట్టింది. అనుమతులను వేగంగా ఇచ్చేందుకు ‘పీఎం గతిశక్తి సంచార్ పోర్టల్’ని ప్రారంభించింది. సరిహద్దుల్లో మారుమూల గ్రామీణ ప్రాంతాలలో టవర్ల ఏర్పాటుకు ఈ పోర్టల్ ద్వారా సులభంగా అనుమతి పొందేలా చర్యలు చేపట్టింది.
