ఈఓఎస్​–8 ప్రయోగానికి ఇస్రో సిద్ధం

శ్రీహరికోట: దేశాన్ని, ప్రపంచాన్ని విపత్తుల నుంచి అప్రమత్తం చేసేందుకు ఇస్రో నూతన భూమి పరిశోధన శాటిలైట్​ (ఎర్త్​ అబ్జర్వేషన్​) శాటిలైట్​ ఈఓఎస్​–8ను ప్రయోగించేందుకు సిద్ధమైంది. ఈ శాటిలైట్​ ను ఎస్​ఎస్​ ఎల్​ వీ–డీ3ద్వారా ప్రయోగించనున్నట్లు ఇస్రో అధికారులు మంగళవారం వెల్లడించారు. లాంచ్​ తేదీని నిర్ణయించలేదన్నారు. 

175.5 కేజీల బరువు ఈ శాటిలైట్​ ద్వారా పర్యావరణం, విపత్తులు, సాంకేతికతల వినియోగానికి తోడ్పాటునందిస్తుందని తెలిపారు. ఎలక్ట్రో ఆప్టికల్ ఇన్‌ఫ్రారెడ్ పేలోడ్ (ఈవోఐఆర్​), గ్లోబల్ నావిగేషన్ శాటిలైట్ సిస్టమ్ రిఫ్లెక్టోమెట్రీ పేలోడ్ (జీఎన్​ ఎస్​ఎస్​–ఆర్​), ఎస్​ ఐసీ సీవీ డోసిమీటర్ లు ఉంటాయని స్పష్టం చేశారు. ఈవోఐఆర్​ పగలు, రాత్రి సమయంలో ఛాయాచిత్రాలను తీసుకుంటుంది. సముద్ర ఉపరితలంపై గాలిని జీఎన్​ ఎస్​ఎస్​–ఆర్​ విశ్లేషిస్తుంది. నేలలోని తేమ, వరదలు వంటి వాటిపై సమాచారం అందించనుంది. ఎస్​ఐసీ సీవీ ద్వారా అతినీలలోహిత కిరణాలను డోసిమీటర్‌ తో పరీక్షించేందుకు ఉపయోగపడుతుందని అధికారులు తెలిపారు.