రోడ్డు ప్రమాదాలు.. బీమా క్లైయిమ్​ ల కోసం ఎదురుచూపులు

నా తెలంగాణ, సెంట్రల్​ డెస్క్​: దేశవ్యాప్తంగా జరుగుతున్న రోడ్డు ప్రమాదాల్లో అందించాల్సిన పరిహారం బీమా క్లైమ్​ లు పెండింగ్​ నిధుల రాక కోసం బాధితులకు ఎదురు చూపులు తప్పడం లేదు. ఆర్టీఐ యాక్ట్​ ప్రకారం అందిన వివరాల ప్రకారం 10 లక్షలకు పైగా బీమా క్లైయిమ్​ లు పెండింగ్​ లో ఉన్నాయి.  ఈ కేసులకు సంబంధించి రూ. 880, 455 కోట్ల రూపాయల పరిహారం బాధితులకు దక్కాల్సి ఉంది. దేశవ్యాప్తంగా 10, 46, 163 ప్రమాదాల కేసులు ఇంకా పెండింగ్​ లో ఉన్నాయి. 2018–19 నుంచి 2022–23 వరకు ఆర్టీసీ నుంచి సమాచార సేకరణలో ఈ విషయాలు వెలుగులోకొచ్చాయి. వివరాలను ‘ఇన్సూరెన్స్ రెగ్యులేటరీ అండ్ డెవలప్‌మెంట్ అథారిటీ ఆఫ్ ఇండియా’ అందించింది. రోడ్డు రవాణా, రహదారుల మంత్రిత్వ శాఖ దేశవ్యాప్తంగా పెండింగ్‌లో ఉన్న మోటారు వాహన ప్రమాద క్లెయిమ్‌ల వివరాలను రాష్ట్ర, జిల్లాల వారీగా అందించింది. 

అయితే పెండింగ్​ లో ఉన్న క్లైయిమ్​ ల గురించి ఏమైనా చర్యలు తీసుకున్నారా? అనే విషయం ప్రశ్నార్థకంగా మారింది. 2018-19 క్లెయిమ్‌ల సంఖ్య 9,09,166 ఉండగా రూ. 2,713 కోట్లు, 2019-20 క్లైయిమ్​ ల సంఖ్య 9,39,160 ఉండగా రూ. 61,051 కోట్లు, , 2020-21  క్లైయిమ్​ ల సంఖ్య 10, 08,332 కాగా రూ. రూ.70,722 కోట్లు, 2021-22 క్లైయిమ్​ ల సంఖ్య 10,39,323 కాగా రూ. 74,718 కోట్లు, 2022-23 ఆర్థిక సంవత్సరాల్లో క్లెయిమ్‌ల సంఖ్య 10,46,163గా ఉండగా రూ.80,455 కోట్లు పెండింగ్​ లో ఉంది. 
రోడ్డు ప్రమాదాల్లో బీమా క్లైయిమ్​ ల మొత్తాన్ని అర్హత ఉన్నా పొందేందుకు సుధీర్ఘ సమయం నాలుగు సంవత్సరాలు పడుతోంది. 2022–23కు సంబంధించిన కేసుల్లో ఇప్పటివరకు 29 శాతం కేసులకు మాత్రమే పరిహారం అందింది. ఇంకా 71 శాతం పరిహారం కోసం నిరీక్షించాల్సిన పరిస్థితి ఉంది.