ఈస్ట్​ కమాండర్​ జనరల్​ మనోజ్​ పాండే  పదవి కాలం పొడిగింపు

నా తెలంగాణ, న్యూ ఢిల్లీ: ఈస్ట్​ కమాండర్​ జనరల్​ మనోజ్​ పాండే పదవిని మరో నెలపాటు పొడిగిస్తూ కేంద్ర కేబినెట్ నియామకాల కమిటీ  ఆదివారం నిర్ణయం తీసుకుంది. మనోజ్​ పాండే ఈశాన్య రాష్ట్రాలైన సిక్కిం, అరుణాచల్ ప్రదేశ్ సరిహద్దుల్లో రక్షణ కమాండర్​ గా విధులు కేటాయించారు.
 
అంతకుముందు మనోజ్​ పాండే అండమాన్ – నికోబార్ కమాండ్ కమాండర్-ఇన్-చీఫ్ పదవిలో సేవలందించారు. పాండే మే 31నే పదవీ విరమణ చేయనుండగా కేబినెట్​ నియామకాల కమిటీ నిర్ణయంతో మరో నెల సర్వీసును పొడిగించినట్లయ్యింది. దీంతో పాండే ఈ పదవిలో జూన్​ 30 వరకు కొనసాగనున్నారు. 

పాండే ఆర్మీలో పలు కీలక బాధ్యతలను పోషించారు. సాయుధ,పదాతిదళాల్లో సేవలందించారు. ఈయన ఐక్యరాజ్యసమితి మిషన్‌లో చీఫ్ ఇంజనీర్‌గా కూడా భారత్​ తరఫున పనిచేశాడు. దేశానికి తన 37 సంవత్సరాల విశిష్ట సేవలందించిన పాండే ఆపరేషన్ విజయ్, ఆపరేషన్ పరాక్రమ్‌లో పేరు ప్రఖ్యాతులు సాధించారు.