విధుల్లో నిర్లక్ష్యం రేగోడు తహశీల్దార్​ సస్పెన్షన్​ 

నా తెలంగాణ, మెదక్​: విధుల పట్ల నిర్లక్ష్యంగా వహించిన రేగోడు తహశీల్దార్ పై సస్పెన్షన్​ వేటు పడింది. శుక్రవారం కలెక్టర్​ రాహుల్​ రాజ్​ తహశీల్దార్​ బాలలక్ష్మిని సస్పెండ్​ చేశారు. రేగోడు తహశీల్​ కార్యాలయాన్ని కలెక్టర్​ ఆకస్మికంగా తనిఖీ చేశారు. కలెక్టర్​ తనిఖీకి రాగా తహశీల్దార్​ కార్యాలయంలో లేకపోవడంతో ఆగ్రహం వ్యక్తం చేశారు. అదీగాక ఈ తహశీల్దార్​ పై ప్రజలు, రైతుల నుంచి పలు ఆరోపణలు వచ్చిన నేపథ్యంలో ఆకస్మిక తనిఖీ చేసినట్లు సమాచారం. విషయం తెలుసుకున్న తహశీల్దార్​ కలెక్టర్​ కు రైతులు, లబ్ధిదారులతో సమావేశ, సమస్యల పరిష్కార వివరాలు సమర్పించారు. కలెక్టర్​ ఆకస్మిక తనికీ తహశీల్దార్​ సస్పెన్షన్​ తో అధికార యంత్రాంగం అప్రమత్తమైంది. కలెక్టర్​ ఆదేశాల మేరకు వెంటనే రేగోడుకు నూతన తహశీల్దార్​ గా నరేష్​ ను నియమించింది. ఇటు ఆదేశాలు అందుకున్న నూతన తహశీల్దార్​ నరేష్​ వెంటనే విధుల్లోకి చేరారు. కాగా తహశీల్దార్​ సస్పెన్షన్​ పట్ల ప్రజలు, రైతులు హర్షం వ్యక్తం చేస్తున్నారు.