యూఎన్ ఎస్​ సీలో సంస్కరణలు అవసరం

భారత ప్రతినిధి పర్వతనేని హరీష్​

న్యూయార్క్​: ప్రపంచదేశాల సుస్థిర, శాంతి కోసం ఆఫ్రికా, ఆసియా, పసిఫిక్​, లాటిన్​ అమెరికా, కరేబియన్​ దేశాలను కూడా యూఎ ఎస్​ సీ (ఐక్యరాజ్యసమితి భద్రతా మండలి)లో శాశ్వత సభ్యత్వం కల్పించాల్సిన అవసరం ఎంతైనా ఉందని భారత్​ పునరుద్ఘాటించింది. ఇందుకు యూఎన్​ ఎస్​ సీలో శాశ్వత, చట్టబద్ద, సమర్థవంతమైన మార్పులు అవసరమన్నారు.

శుక్రవారం యూఎన్​ ఎస్​ సీలో భారత ప్రతినిధి పర్వతనేని హరీష్​ మాట్లాడుతూ.. భవిష్యత్​ లో అన్ని దేశాల అభివృద్ధికి కలిసి పనిచేయాల్సిన అవసరం ఉందన్నారు. ప్రస్తుత యూఎన్​ఎస్​ సీలో ప్రపంచదేశాల అసమానతలను తొలగించే అవసరం, ఆవశ్యకత ఎంతైనా ఉందన్నారు. ఆ దిశలో మార్పులు చేయాల్సిన అవసరం ఉందన్నారు. యూఎన్​ ఎస్​ సీ విశ్వసనీయతను కాపాడుకోవాల్సిన అవసరం ఉందన్నారు.

అలాంటి భద్రతా మండలి ప్రపంచదేశాలకు అవసరమన్నారు. ప్రపంచంలోని సమాన భౌగోళిక ప్రాతినిధ్యాన్ని భారత్​ నొక్కి చెబుతుందన్నారు. చిన్న, పేద దేశాలను చేర్చడం కోసం చట్టబద్ధమైన, సమర్థవంతమైన కౌన్సిల్​ అవసరమని అభిప్రాయం వ్యక్త చేశారు. అప్పుడు ప్రపంచంలోని ముఖ్యమైన సవాళ్లను సమర్థవంతంగా ఎదుర్కొనవచ్చన్నారు.

ప్రపంచదేశాల చేరికకు యూఎన్​ ఎస్​ సీని సంస్కరించడానికి భారత్​ నిబద్ధతను ప్రకటిస్తుందని స్పష్టం చేశారు. భద్రతా మండలి నిర్ణయాత్మక ప్రక్రియలలో అన్ని రంగాలకు న్యాయమైన, అర్థవంతమైన స్వరం ఉండేలా చూసుకోవడంపై భారతదేశ సంస్కరణ ప్రతిపాదన దృష్టి సారిస్తుందని పర్వతనేని హరీష్​ స్పష్టం చేశారు.