అత్యాచారం, హత్య బెదిరింపులు

నా తెలంగాణ, న్యూ ఢిల్లీ: తనపై అత్యాచారం చేసి హత్య చేస్తామని బెదిరింపులు వస్తున్నాయని ఆప్​ రాజ్యసభ సభ్యురాలు స్వాతిమాలివాల్​ అన్నారు. ఆదివారం మీడియాతో మాట్లాడారు. ఆప్​ సోషల్​ మీడియా ప్రతినిధి ధ్రువ్​ తనపై అనుచిత వ్యాఖ్యలతో కూడిన వీడియోను పోస్ట్​ చేశాడని మండిపడ్డారు. యూట్యూబ్​ లో పెట్టిన తీసేయాలని పలుమార్లు అతన్ని సంప్రదించేందుకు చూసినా అతను అందుబాటులోకి రాలేదన్నారు. ఆ తరువాతే తనపై బెదిరింపులు ఎక్కువయ్యాయని పేర్కొన్నారు. తనపై దుష్ర్పచారం చేస్తూ భావోద్వేగాలను రెచ్చగొట్టేలా వ్యవహరిస్తున్నారని మండిపడ్డారు. తనకు తెలియకుండా వీడియో తీసి పోస్ట్​ చేయడం ఏ మేరకు సబబన్నారు. బెదిరింపులపై తాను పోలీసులకు ఫిర్యాదు చేశానని తెలిపారు. పోలీసులు చర్యలు తీసుకుంటారని ఆశిస్తున్నట్లు స్వాతిమాలివాల్​ పేర్కొన్నారు.