బద్లాపూర్​ లైంగిక కేసు పోలీసులకు హైకోర్టు మందలింపు

ముంబై: థానే బద్లాపూర్​ ఆదర్శ్​ విద్యామందిర్​ లైంగిక వేధింపులపై బాంబే హైకోర్టు పోలీసుల తీరును తప్పుబట్టింది. సుమోటోగా కేసును స్వీకరించి హైకోర్టు గురువారం విచారించింది. ప్రజలు ఆందోళనలు, నిరసనలు చేసే వరకూ పోలీసులేం చేశారని ప్రశ్నించింది.సమాచారం అందగానే చర్యలు తీసుకోకుండా, కనీసం ఎఫ్​ ఐఆర్​ నమోదు చేయకుండా ఏం చేస్తున్నారని నిలదీసింది. కేసును నీరుగార్చేందుకు ప్రయత్నిస్తే చర్యలు తప్పవని హెచ్చరించింది. ఈ కేసులో ఇద్దరు అధికారులను ప్రభుత్వం సస్పెండ్​ చేసినట్లు వివరించారు. పాఠశాలపై కఠిన చర్యలు తీసుకుంటామని ప్రభుత్వ తరఫు న్యాయవాది బీరేంద్ర సరాఫ్​ కోర్టుకు తెలిపారు. దీనిపై సమగ్ర విచారణపై అఫిడవిట్​ సమర్పించాలని రాష్ర్ట ప్రభుత్వాన్ని హైకోర్టు ఆదేశించింది.