ఎన్డీయే కూటమిలోకి ఆర్​ఎల్​డీ

నా తెలంగాణ, న్యూ ఢిల్లీ: ఆర్​ఎల్​డీ (రాష్ర్టీయ లోక్​ దళ్) పార్టీ ఎన్డీయే (నేషనల్​ డెమోక్రటిక్​ అలయెన్స్) కూటమిలో చేరింది. ఈ విషయాన్ని బీజేపీ జాతీయాధ్యక్షుడు జేపీ నడ్డా సోషల్​ మీడియా వేదికగా ఆదివారం తెలిపారు. ఆర్​ఎల్​డీ  వ్యవస్థాపకుడు జయంత్​ సింగ్ ​మాట్లాడుతూ.. దేశాభివృద్ధి కోసం ప్రధాని మోదీ చేస్తున్న కృషికి తమ పార్టీ సహకారం అందించాలని నిర్ణయించిందన్నారు. ఈ నేపథ్యంలో ఎన్డీయే కూటమిలో చేరామని జయంత్​ తెలిపారు. జయంత్ ​సింగ్​ జేపీ నడ్డా, అమిత్​ షా సమక్షంలో ఎన్డీయేలో చేరారు. ఈయన చేరికను స్వాగతించిన నడ్డా, షాలు మాట్లాడుతూ.. దేశ, యూపీ అభివృద్ధి కోసం ఆర్​ఎల్​డీ జయంత్​ సింగ్​ ఎన్డీయే కూటమిలో చేరడం సంతోషకరమన్నారు. రానున్న సమయంలో తమతో కలిసి దేశాభివృద్ధికి సహకరించాలని విజ్ఞప్తి చేశారు. ఎంపీ ఎన్నికల్లో మనమంతా కలిసి 400 సీట్ల మార్కును దాటేందుకు ఐక్యతతో పాటుపడతామని నడ్డా, షాలు పునరుద్ఘాటించారు.