బ్రూనై, సింగపూర్​  పర్యటనకు ప్రధాని మోదీ

నా తెలంగాణ, న్యూ ఢిల్లీ: ప్రధానమంత్రి నరేంద్ర మోదీ మంగళవారం ఉదయం బ్రూనై, సింగపూర్​ ల మూడు రోజుల పర్యటన నిమిత్తం బయలుదేరారు. రెండు దేశాలతో ఆసియా ప్రాంతంలోని భారత్​ భాగస్వామ్యాన్ని మరింత బలోపేతం చేసేందుకు ద్వైపాక్షిక చర్చలు నిర్వహించనున్నారు. యాక్ట్​ ఈస్ట్​ పాలసీ, ఇండో పసిఫిక్​ విజన్​ లో రెండు దేశాలు భారత్​ కు అతి ముఖ్యమైన భాగస్వాములుగా నిలుస్తాయని మోదీ ఆకాంక్షించారు. ఈ పర్యటనలో బ్రూనై సుల్తాన్​ హాజీ హసనల్​ బోల్కియా, ఇతర రాజకుటుంబీకులతో కలిసి సమావేశం నిర్వహించనున్నారు. అటు పిమ్మట సింగపూర్​ వెళ్లనున్నారు. అక్కడ రాష్ర్టపతి థర్మన్​ షణ్ముగరత్నం, ప్రధాని లారెన్స్​ వాంగ్​, మంత్రి లీ సీన్​ లూంగ్​ తదితరులతో కలిసి ద్వైపాక్షిక బంధాలపై చర్చించనున్నారు. 
ఉత్పత్తి, తయారీ, డిజిటలైజేషన్​, సుస్థిరాభివృద్ధి, రక్షణ వంటి రంగాలపై కీలక చర్చలు నిర్వహించనున్నారు.