అష్టలక్ష్మీ మహోత్సవ్​ ను ప్రారంభించిన ప్రధాని మోదీ

నా తెలంగాణ, న్యూ ఢిల్లీ: ఈశాన్య భారత పర్వదినం అష్టలక్ష్మీ మహోత్సవ్​ ను ప్రధానమంత్రి నరేంద్ర మోదీ శుక్రవారం భారతమండపంలో ప్రారంభించారు. ఈ పర్వదినాన్ని మూడురోజులపాటు నిర్వహిస్తారు. సాంస్కృతిక వస్త్రాలు, సాంప్రదాయ కళలు, చేతిపనులు, సాంస్కృతిక అభ్యాసాల శ్రేణులు ఈ పర్వదినం సందర్భంగా ఒక్కచోటకు చేరతాయి. ఈశాన్య సంస్కృతి, సాంప్రదాయాలను చాటి చెబుతాయి. ఈ మహోత్సవ్​ సందర్భంగా ఈశాన్య భారత ప్రసిద్ధ ఉత్పత్తులను ప్రదర్శిస్తారు. 

ఈ మహోత్సవంలో ఈశాన్య రాష్ట్రాలకు చెందిన కళాకారులు పాల్గొన్నారు. సంస్కృతి, సంప్రదాయాలు, నృత్యాలు, పాటలను ప్రదర్శించారు. రకరకాల వస్తువుల్ని ప్రదర్శనలో కొలువుదీర్చారు. ఈ కార్యక్రమానికి విచ్చేసిన వారంతా ఈశాన్య రాష్​ర్టాలను  సెవెన్ సిస్టర్స్‌గా పిలిచే సాంకేతిక అంశాలపై చర్చించనున్నారు. ఈశాన్య రాష్ట్రాల అభివృద్ధి, హస్తకళలు, చేనేత వస్త్రాలు, వ్యవసాయ ఉత్పత్తులకు ఎలా ప్రపంచవ్యాప్తంగా డిమాండ్ కల్పించాలనే దానిపై దృష్టిసారించారు. అనంతరం రౌండ్​ టేబుల్​ సమవేశం నిర్వహించారు. ఇందులో అమ్మకాలు, కొనుగోళ్లదారులు తమ తమ ఉత్పత్తుల క్రయ, విక్రయాలను చేపట్టారు.