ఢిల్లీ చేరుకున్న అధ్యక్షుడు మొయిజ్జు

నా తెలంగాణ, న్యూ ఢిల్లీ: ఎట్టకేలకు మాల్దీవులు అధ్యక్షుడు మహ్మద్​ మొయిజ్జూ తన సతీమణి సాజిదా మహమ్మద్​ తో కలిసి భారత పర్యటనకు వచ్చారు. ఆదివారం సాయంత్రం న్యూఢిల్లీ విమానాశ్రయంలో ఆయనకు భారత అధికారులు ఘన స్వాగతం పలికారు. ఐదురోజులపాటు భారత్​ లో పర్యటించనున్నారు. రాష్ట్రపతి ద్రౌపదీ ముర్మూ, ప్రధానమంత్రి నరేంద్ర మోదీలతో ఇరుదేశాల దౌత్యసంబంధాలపై ద్వైపాక్షిక చర్చలు నిర్వహించనున్నారు. అక్టోబర్​ 10వరకు భారత్​ లో పర్యటించనున్నారు. మొయిజ్జుకు ఇది తొలి ద్వైపాక్షిక పర్యటన కావడం విశేషం. ముంబై, బెంగళూరులో కూడా పర్యటించనున్నారు. ఇరుదేశాల విదేశాంగ శాఖలు తీసుకున్న చర్యలు సానుకూలంగా ఉండడంతో భారత్​–మాల్దీవుల మధ్య ఉన్న విబేధాలు సమసిపోయినట్లయ్యింది. దీంతో మొయిజ్జు పర్యటనకు లైన్​ క్లియర్​ అయ్యింది.