ల్యాండ్ ఫర్ జాబ్ కేసు.. లాలూతోపాటు 78మందిపై చార్జీషీట్ దాఖలు
జూలై 6న విచారణ
నా తెలంగాణ, న్యూ ఢిల్లీ: ల్యాండ్ ఫర్ జాబ్ కేసులో సీబీఐ తుది చార్జీషీట్ ను ఢిల్లీలోని రౌస్ అవెన్యూ కోర్టుకు శుక్రవారం దాఖలు చేసింది. ఈ కేసు తదుపరి విచారణను కోర్టు జూలై 6న విచారించనుంది. సీబీఐ దాఖలు చేసిన చార్జీషీట్ లో లాలూ యాదవ్ తోపాటు 78 మంది పేర్లు ఉన్నాయి. గతంలో రెండుసార్లు చార్జీషీట్ దాఖలుపై సీబీఐని కోర్టు ఆదేశిస్తూ ఉత్తర్వులు జారీ చేసింది. నిందితులుగా 38 మంది ఉన్నారని, వీరితోపాటు మరికొంతమంది అధికారులు వీరికి పూర్తిగా సహకరించారని సీబీఐ పేర్కొంది. లాలూ ప్రసాద్ యాదవ్ రైల్వే మంత్రిగా ఉన్నప్పుడు పలువురితో భూములు సొంతం చేసుకొని రైల్వేలో ఉద్యోగాలు కల్పించారనే ఆరోపణలున్నాయి. రైల్వే నియమ నిబంధనలు పట్టించుకోకుండా మార్గదర్శకాలకు తిలోదకాలిస్తూ ఉద్యోగాలు కల్పించడాన్ని పలువురు ఫిర్యాదు చేయడంలో వెలుగులోకి వచ్చింది. దీనిపై సీబీఐ విచారణ చేపట్టింది.
