పిచాయ్​ కోతలు షురూ!

గూగుల్​ లో ఏఐ దడ
పట్టు సాధించకుంటే తిలోదకాలే

నా తెలంగాణ, సెంట్రల్​ డెస్క్​: ఎఐ సాంకేతికత వస్తు వస్తూనే ఉద్యోగాల కోతలు మొదలవుతుందని అనుకున్నట్లుగానే జరుగుతోందనిపిస్తోంది. ప్రపంచ ప్రఖ్యాత సంస్థ గూగుల్​ 10 శాతం ఉద్యోగాల్లో కోతను ప్రకటించింది. సంస్థ సీఈవో సుందర్​ పిచాయ్​ కోతను శుక్రవారం ప్రకటించారు.

సంస్థ డైరెక్టర్లు, వైస్​ ప్రెసిడెంట్లతో సహా మేనేజర్లు కూడా ఉద్యోగాలు కోల్పోతున్న వారిలో ఉండనున్నారు. పిచాయ్​ నిర్ణయం సాంకేతిక సంస్థల్లో తీవ్ర అలజడి రేపుతుంది. బిజినెస్​ ఇన్​ సైడర్​ అనే నివేదిక ప్రకారం ఓపెన్​ ఎఐ వంటి పోటీదారుల నుంచి ఎఐ (ఆర్టిఫిషియల్​ ఇంటలిజెన్స్​)లో పెరుగుతున్న పోటీనే ఉద్యోగాల కోతకు కారణమని భావిస్తున్నారు. గత కొన్నేళ్లుగా గూగుల్​ సంస్థ అనేక మార్పు చేర్పులు చేస్తుంది.

సంస్థను సమర్థవంతంగా రూపొందించేందుకు సేవలను సరళీకృతం చేసేందుకు చర్యలు చేపడుతుంది. గత జనవరిలోనూ ఈ సంస్థ ఉద్యోగులను తొలగించింది. సంస్థలో ఏఐ టెక్నాలజీని సమర్థవంతంగా వినియోగించాలని సంస్థ భావిస్తుంది. ఈ నేపథ్యంలో ఈ సాంకేతికతలో నిపుణుల కోసం శోధిస్తుంది. అంతేగాక సంస్థ ఉద్యోగులు తమకున్న నైపుణ్యాలతోపాటు ఏఐ సాంకేతికతపై కూడా పట్టు సాధించాలని చెప్పకనే చెప్పింది. ఏఐ సాంకేతికతతో గూగుల్​ త్వరలోనే అప్​ డేట్​ కానుంది.