ఎంహెచ్​–370 సెర్చ్​ కు రెఢీ

అమెరికా సంస్థ ప్రతిపాదనకు మలేషియా ఓకే
చరిత్రలోనే అత్యంత ఖరీదైన సెర్చ్​ ఆపరేషన్​ 
అయినా ఆచూకీ లభించని విమానం
నేటికి లభించని 239 మంది ప్రయాణికుల ఆచూకీ
గల్లంతైన వారిలో ఐదుగురు భారతీయులు

నా తెలంగాణ, సెంట్రల్​ డెస్క్​: పదేళ్ల క్రితం అదృశ్యమైన ఎంహెచ్​–370 మలేషియా విమానం సెర్చ్​ ఆపరేషన్​ ను నిర్వహించాలని అమెరికా కంపెనీ భావించింది. ఇందుకు మలేషియా ప్రభుత్వం కూడా ఓకే చెప్పింది. 2014 మార్చి 8న మలేషియా ఎయిర్​ లైన్స్​ కు చెందిన ఎం హెచ్​ 370 బోయింగ్​ విమానం టేకాఫ్​ అయిన కాసేపటికే రాడార్​ తో సంబంధాలను కోల్పోయింది. ఈ విమానంలో  ప్రయాణీకుల విమానం అదృశ్యమైంది. విమానంలో 227 మంది ప్రయాణికులు, 12 మంది సిబ్బంది మొత్తం 239 మంది ఆచూకీ నేటి వరకూ లభ్యం కాలేదు. ఈ విమానం మలేషియా రాజధాని కౌలలంపూర్​ నుంచి బీజింగ్​ కు వెళుతుండగా అదృశ్యమైంది. విమాన ప్రమాదాల చరిత్రలో 370 మిస్సింగ్​ తీవ్ర సంచలనం సృష్టించింది. ఈ విమానానికి సంబంధించిన ఏ ఒక్క ఆనవాలు ఇంతవరకూ లభించలేదు. విమాన అదృశ్యం ప్రపంచ సాంకేతికతకు సవాల్​ విసిరినట్లయ్యింది. 

అమెరికా కంపెనీ ‘నో ఫైండ్​, నో ఫీజ్​’ ఈ ప్రతిపాదనను తీసుకువచ్చింది. ఇందుకు మలేషియా ప్రభుత్వం సూత్రప్రాయంగా అంగీకరించింది. దక్షిణ మహాసాగరంలో విమానం కూలిపోయిందని భావిస్తున్నారు. 15వేల కిలోమీటర్ల అన్వేషణకు ఈ సంస్థ ముందుకు వచ్చింది. ఈ విమానంలో అత్యధికంగా 153 మంది చైనా ప్రయాణికులుండగా, భారత్​ కు చెందిన ఐదుగురు ప్రయాణికులున్నారు. విమానం అదృశ్యం తరువాత అనేక ప్రయత్నాలు చేసినా దీని ఆచూకీ లభించలేదు. చరిత్రలోనే ఎంహెచ్​ 370 ఆచూకీ కనుగొనేందుకు అత్యంత ఎక్కువ ఖర్చు చేసినా ఫలితం లభించలేదు. విమాన అదృశ్యంపై పైలెట్​, కోపైలెట్ల హస్తంపై కూడా పలు అనుమానాలున్నాయి. కానీ ఏవీ రూఢీ కాలేదు.