భారత్​ తో స్నేహహస్తానికి సౌదీతో పాక్​ విన్నపాలు

రియాద్​: భారత్​ తో అనుక్షణం ఉగ్రవాదం విషం చిమ్ముతున్న పాక్​ ఎట్టకేలకు సంబంధాల కోసం తహతహలాడుతోంది. మంగళవారం పాక్​ ప్రధాని షెహబాజ్​ షరీఫ్​ సౌదీ అరేబియా రాజు షరీఫ్ బిన్ సల్మాన్‌తో భేటీ అయ్యారు. కశ్మీర్​ అంశంతో సహా పలు విషయాలపై పరస్పర సహకారం కోసం సహాయం చేయాలని రాజు షరీఫ్​ ను అభ్యర్థించారు.అంతర్జాతీయ కశ్మీర్​ సమస్యను తెరపైకి తేవాలని పాక్​ చూస్తోంది. ఈ అంశాన్ని అంతర్గత విషయం భారత్​ ఎన్నోమార్లు చెబుతూ కుండబద్ధలు కొడుతోంది. ఈ నేపథ్యంలో కుక్క తోక వంకరే అన్నట్లు మోదీ ప్రభుత్వం వచ్చాక తగిన రీతిలో సమాధానం చెబుతుండడంతో పాక్​ కు ముచ్చెమటలు పడుతున్నాయి. మరోవైపు అంతర్గతంగా పాక్​ ఆర్థిక పరిస్థితులు కూడా అంతంత మాత్రంగానే ఉండడంతో ఏం చేయాలో దిక్కుతోచని స్థితిలో ఉంది. కాగా షెహబాజ్​ పర్యటనలో పాక్​ ప్రిన్స్​ ను ఆహ్వానించడం విశేషం. ఆయన ఇరుదేశాల అంశాలపై ఏం స్పందించక పోవడం విశేషం.  ఇప్పటికే కశ్మీర్​ విషయంలో భారత్​ అనేక చర్యలు తీసుకుంది. ఆర్టికల్​ 370 రద్దు, నియోజకవర్గాల పునర్విభజన, ఉపా చట్టం లాంటి బలమైన నిర్ణయాలను తీసుకుంది. మరోవైపు పర్యాటక రంగంగా జమ్మూకశ్మీర్​ ను తీర్చిదిద్దుతుండడంతో క్రమేణా ఆ రాష్ర్ట ప్రజల్లో సంతోషం వ్యక్తం అవుతుండడాన్ని పాక్​ జీర్ణించుకోలేకపోతోంది.