యుద్ధ విమానాలను అమ్మేసిన పాక్!
Pak sold warplanes!
పీకల్లోతుల్లో ఆర్థిక కష్టాలు
ఉగ్ర చర్యల నిరోధానికి ససేమిరా
ఆర్థిక సహాయం అందించని ప్రపంచదేశాలు
ఇస్లామాబాద్: గొప్పలకు బీరాలు పోతూ, ఉగ్రవాదాన్ని తన ఇంట్లో పెంచి పోషిస్తున్న పాక్ ను రోజురోజుకు ఆర్థిక కష్టాలు చుట్టుముడుతున్నాయి. అప్పుల ఊబిలో కూరుకుపోయిన పాక్ ఆ ఊబి నుంచి బయటికి వచ్చేందుకు యుద్ధ విమానాలను విక్రయిస్తోంది. జేఎఫ్ 17 సీ రకం మూడు యుద్ధ విమానాలను అజర్ బైజాన్ కు విక్రయించాలని నిర్ణయించింది. గురువారమే పాక్–అజార్ బైజాన్ ల మధ్య ఈ డీల్ జరిగినా శుక్రవారం బయటికి పొక్కింది.
ఆ దేశాధ్యక్షుడు అలియేవ్ ఈ యుద్ధ విమానంలో కూర్చొని ఫోటోలకు ఫోజులు కూడా ఇవ్వడం గమనార్హం. అంతేగాక ఇరాక్ కూడా పాక్ యుద్ధ విమానాలను కొనుగోలు చేయాలన్న ఆసక్తి ప్రదర్శిస్తోంది. ఇప్పటికే మయన్మార్, నైజీరియాలు ఈ రకమైన యుద్ధ విమానాలను కొనుగోలు చేశాయి. అజర్ బైజాన్ మూడోదేశంగా నిలిచింది. ఇక ఇరాక్ పాక్ యుద్ధ విమానాలను కొనుగోలు చేస్తే నాలుగో దేశంగా నిలవనుంది. మొత్తానికి రోజురోజుకు పాక్ ఆర్థిక పరిస్థితి దిగజారుతున్నా ఉగ్రవాదానికి మాత్రం వెన్నుదన్నుగా నిలవడం మానుకోవడం లేదు. ఈ నేపథ్యంలో అంతర్జాతీయ సమాజం ఆ దేశానికి ఆర్థిక సహాయం చేసేందుకు అన్ని దారులను మూసివేసింది.
