బ్రిక్స్ లో చతుర్ముఖ వ్యూహం పాక్ చేరికకు నో
No to Pakistan's four-pronged strategy in BRICS
మోదీ స్ర్టాటజీతో పాక్ కు చుక్కలు
ఆసియా అతిపెద్ద ఆర్థిక శక్తులుగా ఎదగనున్న భారత్–చైనాలు
ఎస్ సీవోలోనే స్పష్టం చేసిన మంత్రి జై శంకర్
ఆశలు అడియాశలతో నీరసపడ్డ పాక్
నా తెలంగాణ, సెంట్రల్ డెస్క్: పాక్ కు మరో భారీ ఎదురుదెబ్బ తగిలింది. బ్రిక్స్ లో చేరాలనుకున్న పాక్ ఆశలు ఆవిరయ్యాయి. ప్రపంచదేశాల్లో పాక్ పెంచి పోషిస్తున్న ఉగ్రవాదాన్ని, దాని పరిణామాలను స్వయంగా చూస్తున్న సొంత ఇస్లామిక్ దేశాలు కూడా పాక్ బ్రిక్స్ లో చేరికపై అనాసక్తిని ప్రదర్శించాయి. కనీసం పాక్ పెట్టుకున్న దరఖాస్తును కూడా బ్రిక్స్ దేశాల్లో చేరాలనుకున్న దేశాల దరఖాస్తుల నుంచి పక్కన పడేశాయి.
భారత్ పై విషం గక్కుతారా?..
ఒక విధంగా చెప్పాలంటే బ్రిక్స్ లో చేరి ఆర్థిక కష్టాల్లోంచి గట్టెక్కాలనుకున్న పాక్ ప్రయత్నాన్ని అడ్డుకోవడంలో పాక్ చతుర్ముఖ వ్యూహంతో వెళ్లి అడ్డుకుంది. రష్యా, చైనా, భారత్, బ్రిక్స్ లో చేరాలనుకుంటున్న మరో 29 దేశాలతో జతకట్టి చతుర్ముఖ వ్యూహాన్ని అమలు చేసింది. చీటికి మాటికీ భారత సంస్కృతి, సాంప్రదాయాలపై విషం గక్కుతున్న పాక్ పై భారత్ ధీటుగా సమాధానం ఇస్తూ ఓ వైపు చావు కబురు చల్లగా అందిస్తూనే మరో వైపు మోదీ నేతృత్వంలో విదేశాంగ శాఖ తన బలమైన స్ర్టాటజీని అనుసరిస్తూ పాక్ బ్రిక్స్ లో చేరడాన్ని అడ్డుకోవడంలో సఫలమైంది.
కారిడార్ నిర్మాణం పేరిట చైనాకు ద్రోహం..
అంతర్జాతీయ ఉగ్రవాదులను సైతం తమ సొంతదేశంలోనే ఆశ్రయం కల్పిస్తూ ఇతర దేశాలపై నెపం నెడుతున్న పాక్ విధానాలను యూఎన్ కూడా పలుమార్లు హెచ్చరికలు, మొట్టికాయలు వేసింది. అయినా పాక్ లో మార్పు రాలేదు. ప్రస్తుతం చైనాతో పాక్ ఆక్రమిత కాశ్మీర్ మీదుగా కారిడార్ కు ఒప్పందం చేసుకొని తీసుకోవాల్సినంత తీసుకొని ఆ దేశ ప్రజలకు, కాంట్రాక్టర్లకు, పనులు చేస్తున్న ఇంజనీర్లకే భద్రత కల్పించలేక చేతులెత్తేస్తోంది.
పాక్, అమెరికా దుర్నీతికి బ్రిక్స్ లో చైనా చెక్..
కరోనాతో కష్టకాలంలో ఉన్న చైనా కూడా తమదేశ ప్రయోజనాల కోసం భారత్ తో కొంతకాలంపాటూ విబేధించినా పాక్, అమెరికాల దుర్భుద్ధి, దుర్నీతి జిన్ పింగ్ కు అర్థం అయింది. పాక్ తో కలిసి వెళితే తమ దేశ ప్రయోజనాలకు భంగమే తప్ప ఇతర ప్రయోజనాలు లేవని గుర్తించింది. దీంతో భారత్ తో లడఖ్ సరిహద్దుపై శాంతికి ఒప్పందం కుదుర్చుకుంది. ఐదేళ్ల తరువాత ఆసియాలోనే అతిపెద్ద దేశాలైన భారత–చైనాలు రష్యా సహాయంతో చేతులు కలపడంలో ఆర్థికంగా ఉన్నత దేశాల్లో కూడా దడ పుట్టిస్తోంది.
ఎస్ సీవోలో చురకలంటించిన మంత్రి జై శంకర్..
జై శంకర్ ఇటీవల పాక్ ఎస్ సీవో (షాంఘై కో–ఆపరేషన్ సదస్సు)కు వెళ్లినా భారత్ విధానంలో మార్పు లేదని కుండబద్దలు కొట్టారు. ముందుగా ఉగ్రవాదాన్ని వీడాలని, భారత్ తో చీటికీ మాటికీ విబేధించడం మానాలని చురకలంటించి వచ్చారు. ఈ వార్త బయటకు రాకపోయినా అక్కడ అదే జరిగినట్లుగా రాజకీయ విశ్లేషకులు భావిస్తున్నారు. పాక్ కు అప్పుడే అర్థం అయింది. బ్రిక్స్ లో తమకు భంగపాటు తప్పదని. అనుకున్న సమయం వచ్చినా పాక్ బ్రిక్స్ లో చేరికకు భారత్ మొత్తానికి చతుర్ముఖ వ్యూహంతో ముందుకువెళ్లింది.
