రాజ్యసభ చైర్మన్​ పై అవిశ్వాసం సంఖ్యాబలం తమకే అనుకూలం

నా తెలంగాణ, న్యూ ఢిల్లీ: రాజ్యసభ చైర్మన్​, ఉపరాష్ర్టపతిపై అవిశ్వాసన తీర్మానంపై సంఖ్యాబలం తమకే అనుకూలంగా ఉందని, చైర్మన్​ ను గౌరవించడం విపక్షాలు నేర్చుకోవాలని కేంద్రమంత్రి కిరణ్​ రిజిజు అన్నారు. మంగళవారం ఇండియా కూటమి అవిశ్వాస తీర్మానంపై సంఖ్యాబలం తమకు అనుకూలంగా ఉన్నాయన్నారు. కూటమి పనితీరు పక్షపాత్ర ధోరణితో కూడుకున్నదన్నారు. ఇలాంటి పనులు చేయొద్దన్నారు. ఉభయ సభల్లో స్పీకర్​, రాజ్యసభ చైర్మన్​ అధికారాన్ని ప్రతిపక్షాలు పదే పదే అగౌరవపరుస్తున్నాయని ఆరోపించారు. కాంగ్రెస్​ కూటమి చేస్తున్న ప్రయత్నాలు విజయవంతం కావన్నారు. అసలు సమస్యలను దారి మళ్లించేందుకే ఇలాంటి ప్రయత్నాలకు తెరతీస్తున్నారని ఆరోపించారు. సభను సక్రమంగా నిర్వహించేందుకు ప్రభుత్వం సిద్ధంగా ఉందన్నారు. ఇది జార్జ్​ సోరోస్​ లాంటి ప్రయత్నమే అని చురకలంటించారు. ఇలాంటి లేని పోని ఆరోపణలు చేయడం పట్ల కాంగ్రెస్​ వెంటనే క్షమాపణలు చెప్పాలని డిమాండ్​ చేశారు. 

రాజ్యసభ చైర్మన్ ఎప్పుడు ప్రజా శ్రేయస్సుకు అనుగుణంగానే పని చేశారన్నారు. 60 మంది ఎంపీలు సంతకాలు చేశారని లేని పోని ఆరోపణలను ఆయన ఖండించారు. చైర్మన్​ సూచనలు గౌరవించకుండా దురుసుగా ప్రవర్తించాయన్నారు. సాధారణ నేపథ్యంనుంచ వచ్చిన ధంఖర్​ ఎల్లప్పుడూ రైతులు, ప్రజల శ్రేయస్సు కోసమే పనిచేశారన్నారు. ఆయన పనితీరుపై తాము పూర్తి సంతోషంగా ఉన్నామని కేంద్రమంత్రి కిరణ్​ రిజిజు అన్నారు.