ఖర్గేకు కేంద్ర మంత్రి గడ్కరీ లీగల్​ నోటీసులు

న్యూఢిల్లీ: కాంగ్రెస్​ జాతీయ అధ్యక్షుడు మల్లికార్జున ఖర్గే, పార్టీ నేత జైరామ్ రమేష్ కు కేంద్ర మంత్రి నితిన్ గడ్కరీ లీగల్ నోటీసులు జారీ చేశారు. తప్పుదోవ పట్టించే వీడియోలు, కంటెంట్​ సోషల్ మీడియాలో పోస్ట్‌ చేస్తూ తన ప్రతిష్టను దెబ్బతీసేందుకు వారు ప్రయత్నించారని ఆయన ఆరోపించారు. కాంగ్రెస్ అధికారిక సోషల్​ మీడియా హ్యాండిల్స్​ నుంచే ఈ పోస్ట్‌లు బయటకు రావడాన్ని చూసి తాను ఆశ్చర్యపోయినట్లు గడ్కరీ పేర్కొన్నారు. కాంగ్రెస్​ తన ఇంటర్వ్యూను తారుమారు చేసి, తప్పుగా ఎడిట్​ చేసిన 19 సెకెండ్ల వీడియోను అప్‌లోడ్ చేసిందని, తన ప్రతిష్టను దెబ్బతీసే ప్రయత్నం చేసిందని ఆయన వారికి ఇచ్చిన లీగల్​ నోటీసులో పేర్కొన్నారు.