నిర్మలమ్మ పద్దులూ రికార్డే! 

నా తెలంగాణ,న్యూ ఢిల్లీ: వరుసగా ఆరోసారి పూర్తిస్థాయి బడ్జెట్​ ప్రవేశ పెట్టబోతున్న మహిళా ఆర్థిక శాఖ మంత్రిగా నిర్మలా సీతారామన్​ రికార్డుల్లోకెక్కనున్నారు. జూలై 23న పార్లమెంట్​ లో పూర్తి స్థాయి బడ్జెట్​ ప్రవేశపెట్టనుండడంతో నిర్మలమ్మ పద్దుల రికార్డును సాధించనున్నారు. ఇప్పటివరకూ మంత్రి ఐదుసార్లు పూర్తి స్థాయి బడ్జెట్​ ప్రవేశపెట్టగా, మధ్యంతర బడ్జెట్​ ను ఒకసారి ప్రవేశపెట్టారు. మంగళవారం పూర్తిస్థాయి బడ్జెట్​ ను మంత్రి ప్రవేశపెట్టనున్నారు. ఇంతకుముందు మొరార్జీ దేశాయ్​, అరుణ్​ జైట్లీ, పి. చిదంబరం, యశ్వంత్​ సిన్హా, మన్మోహన్​ సింగ్​ లను అధిగమించనున్నారు. ఇదే గాక పార్లమెంట్​ పై బడ్జెట్​ పై అత్యధిక సమయం ప్రసంగించిన మంత్రిగా కూడా నిర్మలా సీతారామన్​ రికార్డు సాధించనున్నారు. 

ఇంతకుముందు మొరార్జీ దేశాయ్ పదిసార్లు, పి. చిదంబరం–9, ప్రణబ్ ముఖర్జీ–    8, సీడీ దేశ్‌ముఖ్–7, యశ్వంత్ సిన్హా–7, మన్మోహన్ సింగ్–6 సార్లు బడ్జెట్​ ను ప్రవేశపెట్టారు.