హమాస్​ తరహాలో నక్సల్స్​ సొరంగాలు

ఆయుధాల తయారీ
గుర్తించిన భద్రతా బలగాలు
దేవకొండల వైపు పారిపోయిన నక్సల్స్​ అగ్రనేత హిడ్మా

రాయ్​ పూర్​: చత్తీస్​ గఢ్​ లో నక్సల్స్​ హమాస్​ ఉగ్రవాదుల తరహా సొరంగాల్లో తలదాచుకుంటున్నట్లు భద్రతా దళాలు గుర్తించాయి. అందులోనే భారీ ఎత్తున ఆయుధాలు, రాకెట్​ లాంచర్లు కూడా తయారు చేస్తున్నట్లు గుర్తించారు. శనివారం ఇందుకు సంబంధించిన ఆధారాలను భద్రతా దళాలు బయటపెట్టాయి. సొరంగాల్లో ఆయుధాల ఫ్యాక్టరీనే ఏర్పాటు చేశారా? అన్న రీతిలో ముడిపదార్థాలను ఆర్మీ స్వాధీనం చేసుకుంది. బీజాపూర్​ జిల్లాలోని ఉసుక్​ బ్లాక్​ పూజారి కంకేర్​, మరుద్​ బాక అటవీ ప్రాంతంలో భద్రతా సిబ్బంది ఈ సొరంగాన్ని గుర్తించాయి. రెండురోజుల క్రితం జరిగిన ఎన్​ కౌంటర్​ లో భారీ ఎత్తున నక్సల్స్​ మృతి చెందారు. అనంతరం నిర్వహించిన కూంబింగ్​ లో ఈ సొరంగాన్ని కనుగొన్నారు. పెద్ద పెద్ద మిషన్​ ల సహాయంతో ఆయుధాలను తయారు చేసేవారని గుర్తించారు. పెద్ద సంఖ్​యలో ఆయుధాల తయారీకి వినియోగించే ఇనుము, పైపులు తదితరాలను స్వాధీనం చేసుకున్నారు. కాగా ఎన్​ కౌంటర్​ సందర్భండి హిట్​ లిస్టులో ఉన్న హిడ్మా దేవ కొండల వైపు పారిపోయి ఉంటాడని భద్రతా దళాలు భావిస్తున్నాయి.