రష్యా–ఉక్రెయిన్​ యుద్ధానికి ఆజ్యం పోస్తున్న జర్మనీ ప్రకటన

ఢిల్లీ: రష్యా –ఉక్రెయిన్​ యుద్ధానికి జర్మనీ ప్రకటన మరింత ఆజ్యం పోసేలా ఉంది. ఉక్రెయిన్​ కు తామిచ్చిన ఆయుధాలు ఒప్పందం ప్రకారం కాకుండా తమ రక్షణ కోసం ఏ సమయంలోనైనా, యుద్ధంలోనైనా వినియోగించుకోవచ్చని జర్మనీ శుక్రవారం ప్రకటించింది. ఈ ప్రకటన రష్యాకు మరింత ఆగ్రహం తెప్పించేలా ఉంది. పలుమార్లు పుతిన్​ ఉక్రెయిన్​ కు ఇతర దేశాల సహాయంపై భగ్గుమన్న విషయం తెలిసిందే. మరోవైపు బెల్జియం ఉక్రెయిన్​ కు ఎఫ్​–16 30 విమానాలను కూడా అందిస్తామని ప్రకటించింది. ఉక్రెయిన్​ అధ్యక్షుడు జెలెన్స్కీ ఈ విమానాలను, ఆయుధాలను రష్యా తో యుద్ధంలో వినియోగిస్తామని ప్రకటించారు. పాశ్చాత్య దేశాలు అందించిన ఆయుధాలు, విమానాల ద్వారా ఉక్రెయిన్​ దాడికి దిగితే తీవ్ర పరిస్థితులు ఉంటాయని ఇటీవలే ఉజ్బెకిస్థాన్​ పర్యటన సందర్భంగా పుతిన్​ వ్యాఖ్యలు చేశారు.