రూ. 5 లక్షలతో శునకం బర్త్​ డే!

నా తెలంగాణ, సెంట్రల్​ డెస్క్​: ‘కనకపు సింహాసమున శునకమును కూర్చుండబెట్టిన’ అనే పద్యాన్ని విన్నారా? వినే ఉంటారు. ఈ వార్తను చదివితే నిజమా? అని నోరెళ్లబెట్టక మానరు. ఓ మహిళా తన శునకానికి ఏకంగా 300మంది అతిథులను పిలిచి రూ. 40వేల కేక్​, డీజే, లైవ్​ మ్యూజిక్​ రూ. 5 లక్షలు వెచ్చించి మరీ పుట్టినరోజును ఘనంగా జరిపింది. ఈ ఘటన కాస్త ఆ మాధ్యమంలో.. ఈ మాధ్యమంలో పడి సామాజిక మాధ్యమంలో వెలుగు చూసింది. దీంతో నెటీజన్లు ఔరా ముద్దుగా.. బొద్దుగా ఉన్న ఈ అమ్మడు కుక్క కూడా ముద్దుగా.. బొద్దుగా ఉండడాన్ని చూసి నీది పె..ద్ద మనస్సే అని అంగీకరిస్తూ పోస్టుల మీద పోస్టులు పెడుతున్నారు. కుక్క కేక్​ తిందో లేదో తెలియదు గానీ.. అతిథులు మాత్రం కేక్​ ను పూర్తిగా తినేసి.. అరిగేదాకా డ్యాన్సులు చేశారట! ఈ ముద్దుగుమ్మ పేరు స్వప్నా. ఝార్ఖండ్​ జంషెడ్​ పూర్​ నివాసి. తన ముద్దుల శునకం ఆరేళ్ల పుట్టిన రోజు వేడుకలను ఘనంగా జరుపుకున్నానని మెలికలు తిరుగుతూ ఫోటోలకు ఫోజులిచ్చిందీ అమ్మడు. అన్నట్లు ఈ అమ్మడు (స్వప్నా)ను తక్కువ అంచనా వేయకండి. ఈమె సామాజిక సేవలో ఆ ప్రాంతంలో నెంబర్​ 1. తామున్న ప్రాంతంలో రూ. 1.52 లక్షలతో సోలార్​ వీధి దీపాలు, కమ్యూనిటీ సెంటర్​ కు రూ. 30వేలు, ఇలా కుక్క పుట్టినరోజు ప్రతీయేటా వేడుకల్లో సామాజిక కార్యక్రమాల ద్వారా సేవ కూడా చేస్తుంది. ఏది ఏమైనా ఈ అమ్మడు శునకం గ్రేటే కదా! దీనికంటే ఈ అమ్మడుకు జంతువులు, సామాజిక సేవ పట్ల ఉన్న అభిప్రాయం కూడా గ్రేటే మరీ!