ఇద్దరు ఉగ్రవాదులను ఎన్ కౌంటర్ చేసిన ఐడీఎఫ్
The IDF encountered two terrorists
జెరూసలెం: జనవరి 6న ఇజ్రాయెల్ లో జరిగిన బస్సు దాడిలో ప్రమేయం ఉన్న ఇద్దరు ఉగ్రవాదులను వెస్ట్ బ్యాంక్ లో హతమార్చినట్లు ఐడీఎఫ్ ప్రకటించింది. బుధవారం రాత్రి చేపట్టిన ఆపరేషన్ వివరాలను గురువారం ఇజ్రాయెల్ మీడియాతో పంచుకుంది. టూరిస్ట్ వీసాపై వచ్చిన ఇస్లామిక్ జిహాద్ ఉగ్రవాది బస్సులో కాల్పులు జరిపాడు. ఈ కాల్పుల్లో ముగ్గురు మృతి చెందగా, ఆరుగురు గాయపడ్డారు. దాడి సందర్భంగా ఉగ్రవాదిని కూడా అక్కడే ఐడీఎఫ్ మట్టుబెట్టింది. ఈ దాడికి కారకులైన మహ్మద్ నజాల్, కతీబా అల్ షలాబీగా గుర్తించి వారి జాడ కనుగొంది. బుధవారం అర్థరాత్రి వెస్ట్ బ్యాంక్ లోని బుర్కిన్ గ్రామంలో వీరున్న భవనంపై ఆకస్మికంగా దాడి చేసి ఇద్దరిని హతమర్చింది. ఈ ఆపరేషన్ లో ఐడీఎఫ్ సైనికుడికి గాయాలయ్యాయని స్పష్టం చేసింది. హమాస్ తో కలిసి ఇస్లామిక్ జిహాద్ మిత్రపక్షాలు పలు దాడులకు పాల్పడుతుంటాయి. ఈ రెండు వేర్వేరు ఉగ్ర సంస్థలైనప్పటికీ పలుమార్లు ఏకమై తమ వ్యతిరేకులపై భారీ దాడులకు పాల్పడిన సందర్భాలు అనేకం ఉన్నాయి.
