టూటికోరిన్​ కు బాంబు బెదిరింపు

చెన్నై: తమిళనాడులోని టూటికోరిన్​ విమానాశ్రయానికి బాంబు బెదిరింపు వచ్చింది. గురువారం ఈ మెయిల్​ ద్వారా బెదిరింపు రావడంతో విమానాశ్రయ భద్రతా వర్గాలు అప్రమత్తమయ్యాయి. బాంబు, డాగ్​ స్క్వాడ్​ లను రంగంలోకి దింపి అణువణువు శోధించాయి. బెదిరింపు నేపథ్యంలో ప్రయాణికుల భద్రత, చెకింగ్​ లను మరింత పటిష్ఠంగా నిర్వహిస్తున్నారు. ప్రయాణికులకు ఇంటెన్సివ్​ స్ర్కీనింగ్​ చేస్తున్నారు. మరోవైపు బాంబు బెదిరింపుపై పోలీసులు కేసు నమోదు చేసి దర్యాప్తు చేపట్టారు. కాగా తనిఖీల్లో ఏమీ లభించకపోవడంతో అధికారులు, ప్రయాణికులు ఉపిరీ పీల్చుకున్నారు.