15–16పాక్​ పర్యటనకు మంత్రి జై శంకర్​!

నా తెలంగాణ, న్యూ ఢిల్లీ: భారత విదేశాంగ శాఖ మంత్రి ఎస్​. జైశంకర్​ అక్టోబర్​ 15–16 తేదీల్లో పాక్​ లో పర్యటించనున్నారు. ఇస్లామాబాద్​ లో జరిగే ఎస్​ సీవో (కౌన్సిల్​ ఆఫ్​ హెడ్స్​ ఆఫ్​ గవర్నమెంట్​ (సీహెచ్​ జీ) సమావేశానికి హాజరుకానున్నారు. శుక్రవారం ఈ విషయాన్ని విదేశాంగ శాఖ ప్రతినిధి రణధీర్​ వెల్లడించారు. పాక్​ లో భారత్​ మంత్రి పర్యటించడం తొమ్మిదేళ్ల తరువాత ఇదే మొదటిసారి కానుందన్నారు. 

2015లో చివరిసారిగా లాహోర్​ లో అప్పటి విదేశాంగ శాఖ మంత్రి సుష్మా స్వరాజ్​ పర్యటించి ప్రధాని నవాజ్​ షరీఫ్​ ను కలిశారు. 2019 జమ్మూకశ్మీర్​ లో ఆర్టికల్​ 370 తొలగించిన తరువాత ఇరుదేశాల్లో ఉద్రిక్తతలు మరింత పెరిగినట్లయ్యాయి. ఆ తరువాత పాక్​ తో చర్చల్లేవ్​ అని బహిరంగంగానే భారత్​ ప్రకటించింది.