గిరిజన ప్రాంతాల అభివృద్ధికి నాబార్డ్​ సహాయం

నా తెలంగాణ, న్యూ ఢిల్లీ: గిరిజన ప్రాంతాల అభివృద్ధికి నా బార్డ్​ ఆర్థిక సహాయాన్ని అందజేస్తుందని, దీంతో 6.29 లక్షల కుటుంబాలకు లబ్ధి చేకూరుతుందని కేంద్ర ఆర్థిక శాఖ మంత్రి నిర్మలా సీతారామన్​ అన్నారు. పార్లమెంట్​ కు సోమవారం లిఖిత పూర్వక సమాధానం అందజేశారు. గడిచిన 18యేళ్లలో నా బార్డ్​ ద్వారా 1029 ప్రాజెక్టులను మంజూరు చేశామన్నారు. దీంతో గిరిజన కుటుంబాలకు స్థిరమైన జీవనోపాధి అవకాశాలను అందించామన్నారు. దేశవ్యాప్తంగా నా బార్డ్​ ద్వారా గిరిజనుల అభివృద్ధికి 2.9 కోట్ల చెట్లను నాటించామన్నారు. 2005లో టీడీఎఫ్​ పథకాన్ని ప్రారంభించామని ఈ పథకం ద్వారా 6.29 లక్షల కుటుంబాలు లబ్ధి పొందాయన్నారు. దేశంలో చిన్న, సన్నకారు రైతులకు వ్యవసాయ ఋణాలు క్రమంగా పెరుగుతున్నాయని తెలిపారు. గత మూడేళ్లలో చిన్న, సన్నకారు రైతుల వ్యవసాయ రుణాల ఖాతాల సంఖ్య 2023–-24లో 13.06 కోట్లకు పెరిగిందని కేంద్రమంత్రి నిర్మలా సీతారామన్​ తెలిపారు.