హిజ్బొల్లా నడ్డి విరిచిన మొస్సాద్!
Mossad broke Hezbollah!
జేరూసలెం: హిజ్బొల్లాపై ఇజ్రాయెల్ గూడాఛార సంస్థ మొస్సాద్ కీలక వ్యవస్థపై దాడులు ఒక ప్రణాళిక ప్రకారమే జరిగాయి. తరచూ పేజర్లు, ఫోన్ లు, ఎలక్ర్టానిక్ వస్తువులు వాడుతూ ఇజ్రాయెల్ పై హిజ్భొల్లా దాడులకు తెగబడుతుండడంతో ఆ వ్యవస్థనే పూర్తిగా నష్టం చేయాలని సంకల్పించింది. దీంతో పేజర్లు, వాకీటాకీలు, రేడియో వ్యవస్థలు ఇంకా అనేక వస్తువులలో పేలుడు పదార్థాలు పెట్టే అవకాశం ఉన్నట్లు హిజ్బొల్లా భావిస్తోంది. ఈ నేపథ్యంలో లెబనాన్ వ్యాప్తంగా ఉన్న ఎలక్ర్టానిక్ వస్తువుల ఉత్పత్తులను వాడాలంటేనే ఇప్పుడు ప్రజలు జంకే పరిస్థితులు ఏర్పడ్డాయి. భవిష్యత్ లోనూ వీటిని వాడడం అంత సేప్ కాదనే వాదనలు వినిపిస్తున్నాయి. దీంతో హిజ్బొల్లా కీలక సమాచార వ్యవస్థను ఇజ్రాయెల్ కుప్పకూల్చినట్లయ్యింది.
దీంతో ఇక హిజ్భొల్లా ఏ దేశ ఎలక్ర్టానిక్ పరికరాలను వినియోగించాలన్నా ఒకటికి పదిసార్లు ఆలోచించుకోవాల్సిన అవసరం ఏర్పడుతుంది. ఈ లోపు ఇజ్రాయెల్ తన పని తాను చకచకా చేసుకుంటూ వెళ్లిపోదామని, కీలక నాయకులను మట్టుబెడదామనే ఆలోచనలు ఉన్నట్లుగా పలువురు భావిస్తున్నారు. ఇజ్రాయెల్ ఈ చర్యతో ఇప్పటికే హిజ్బొల్లాకు చెందిన పలువురు కమాండర్లు అజ్ఞాతంలోకి వెళ్లిపోయారు. అయినా మొస్సాద్ వారిని వెతకి మట్టుబెట్టగలుగుతోంది. ఒక్క మాటలో చెప్పాలంటే ఇజ్రాయెల్ మొస్సాద్ ద్వారా హిజ్బొల్లా నడ్డీ విరిచింది.
