మెజార్జీ స్థానాలు సాధించాం 380లో 270 పక్కా
లక్ష్యాన్ని 400 చేరుకుంటాం పౌరసత్వాన్ని వ్యతిరేకిస్తారా? మతువా కమ్యూనిటీకి ఇబ్బందులుండవు సీఎం మమత పాలన అంతా అవినీతి మయం బెంగాల్ ప్రచారంలో కేంద్రమంత్రి అమిత్ షా
కోల్ కతా: 380 స్థానాలకు జరిగిన నాలుగు దశ ఎన్నికల్లో ఇప్పటికే బీజేపీ 270 స్థానాల పూర్తి మెజార్టీని సాధించిందని కేంద్ర హోంశాఖ మంత్రి అమిత్ షా అన్నారు. మంగళవారం ఎన్నికల ప్రచారంలో భాగంగా పశ్చిమ బెంగాల్ లోని బంగావ్ లో జరిగిన బహిరంగ సభలో మాట్లాడారు. సంపూర్ణ మెజార్టీ దాటిపోయామని, లక్ష్యాన్ని 400 దాటాల్సి ఉందని అమిత్ సా పేర్కొన్నారు.
సీఏఏ ద్వారా పౌరసత్వం కల్పిస్తామంటే దాన్ని వ్యతిరేకిస్తామని సీఎం మమత చెప్పడం ఎంతమేరకు సమంజసమని ప్రశ్నించారు. మతువా కమ్యూనిటీ ప్రజలకు తమ ప్రభుత్వం వల్ల ఎలాంటి ఇబ్బందులు ఉండవని షా భరోసానిచ్చారు. ఈ విషయంలో సీఎం ఓటుబ్యాంకు రాజకీయాలకు పాల్పడుతోందని ప్రజలు గుర్తెరగాలని న్నారు.
బెంగాల్ లో అవినీతి, చొరబాట్లు, బాంబు పేలుళ్లు, సిండికేట్ పాలన మమతదన్నారు. ఈమెను ఆపే శక్తి ఒక్క బీజేపీకే ఉందన్నారు. శారదా చిట్ ఫండ్, ఉపాధ్యాయ నియామకాలు, మున్సిపల్ నియామకాలు, రేషన్, గోవులు, బొగ్గు ఇలా ప్రతీ ఒక్క విషయంలోనూ సీఎం మమత, ఆమె పార్టీ నేతల ద్వారా బెంగాల్ ప్రజల కష్టార్జితాన్ని దోచుకుతింటున్నారని మంత్రి అమిత్ షా మండిపడ్డారు.
