మణిపూర్​ శాంతికి మిజోరాం సీఎం ప్రయత్నం

ఇంఫాల్​: మిజోరాం ముఖ్యమంత్రి లాల్దుహోమా మణిపూర్​ లో కుకీ–మొయిటీ కమ్యూనిటీల మధ్య మధ్యవర్తిత్వం వహించి శాంతి కొల్పేలా కృషి చేయనున్నారు. సీఎం మణిపూర్​ రాజధాని ఇంఫాల్​ కు వెళ్లనున్నట్లు ఆదివారం అధికార వర్గాలు స్పష్టం చేశాయి. అయితే ఇరువర్గాల మధ్య మధ్యవర్తిత్వంపై ఎలాంటి వివరాలు ప్రకటించలేదు. మణిపూర్​ లో పర్యటించి పరిస్థితిని చక్కదిద్దేలా ప్రయత్నాలు చేయాలని కేంద్ర హోంశాఖ మంత్రి, నీతి ఆయోగ్​ సమావేశంలో లాల్దూ హోమాను కోరారు. షా సమక్షంలో లాల్దూ హోమా, మణిపూర్​ సీఎం బీరెన్​ సింగ్​ లు కలిసి సమావేశమై పలు విషయాలపై చర్చించారు. సమావేశం అనంతరం కుకి–జో ప్రతినిధి సంస్థ అయిన ఇండిజినస్ ట్రైబల్ లీడర్స్ ఫోరమ్ ప్రతినిధులతో నేరుగా చర్చలు జరపాలని లాల్దుహోమా హోం మంత్రి షాకు సూచించారు.