మమత వ్యాఖ్యలపై మండిపడ్డ మంత్రి నిర్మలా సీతారామన్​

నా తెలంగాణ, న్యూ ఢిల్లీ: నీతి ఆయోగ్​ సమావేశం నుంచి మధ్యలోనే బయటకు వచ్చి బీజేపీ, నరేంద్ర మోదీ ప్రభుత్వం ఆరోపణలు చేస్తున్న పశ్చిమ బెంగాల్​ సీఎం మమతా బెనర్జీ వ్యాఖ్యలపై ఆర్థిక శాఖ మంత్రి నిర్మలా సీతారామన్​ మండిపడ్డారు. శనివారం జరిగిన నీతి ఆయోగ్​ సమావేశంలో ప్రతిపక్షాల నుంచి కేవలం మమతా బెనర్జీ ఒక్కరే హాజరయ్యారు. తనకు త్వరగా వెళ్లాలన్న ఉద్దేశ్యంతో ప్రభుత్వం ఆమెకు ముందే మాట్లాడే అవకాశాన్ని కల్పించింది. షెడ్యూల్​ ప్రకారం మధ్యాహ్నం తరువాత ఆమె మాట్లాడాల్సి ఉంది. దీంతో ఆమె పలు అభ్యంతరకర వ్యాఖ్యలు చేశారని నిర్మలా సీతారామన్​ పేర్కొన్నారు. ఇలాంటి వ్యాఖ్యలు సరికావని పలుమార్లు చెప్పినప్పటికీ ఆమె పట్టించుకోలేదన్నారు. ఈ నేపథ్యంలో సమావేశాల మధ్య నుంచి ఆమె వెళ్లిపోయారని తెలిపారు. అందరికీ సమయం కేటాయించామన్నారు. సీఎం మమత సమయం అయిపోయిందని, మైక్​ కట్​ చేశారనే ఆరోపణలు పూర్తి అవాస్తవమని నిర్మలా సీతారామన్​ తెలిపారు. 

కేంద్రమంత్రి ప్రహ్లాద్​ జోషి మమతా బెనర్జీ ఆరోపణలపై తీవ్రంగా మండిపడ్డారు. ఇండీ కూటమి చర్యలను ఆమె ఇక్కడ ప్రదర్శించి ఉండవచ్చన్నారు. పశ్చిమ బెంగాల్​ లో కాంగ్రెస్​ కు ఒక్క సీటు కూడా ఇవ్వలేదన్నారు. మమత వ్యాఖ్యలపై తీవ్ర అభ్యంతరాన్ని వ్యక్తం చేశారు.