మెడికో హత్య టీఎంసీ పతనం తప్పదు

కోల్​ కతా: కోల్​ కతా మెడికో హత్య కేసులో మమత ప్రభుత్వం పతనం తప్పదని పశ్చిమ బెంగాల్​ బీజేపీ రాష్​ర్ట అధ్యక్షుడు సుకాంత మజుందార్​ ఆరోపించారు. అత్యాచార ఘటనపై ఆదివారం ఆయన మీడియాతో మాట్లాడారు. హత్యపై ప్రజల్లో తీవ్ర ఆగ్రహావేశాలున్నాయన్నారు. ఈ అత్యాచారం, హత్య విషయంలో మమత ప్రభుత్వం ద్వంద్వ విధానాలను పాటించిందని ఆరోపించారు. టీఎంసీ హస్తం కూడా ఉండే అవకాశం ఉందని ఆరోపించారు. ప్రిన్సిపాల్​ తొలుత చేసిన వ్యాఖ్యలు, ఆ తరువాత మాట మార్చడం, కళాశాలకు రాజీనామా, ఆ తరువాత నియామకం, ఆసుపత్రిపై దాడి ఇలా అన్ని విషయాలపై అనేక సందేహాలు నెలకొన్నాయన్నారు. ఆ సందేహాలన్నింటినీ పటాపంచలు చేసేందుకు కోర్టు సీబీఐ నేతృత్వంలో దర్యాప్తు చేపట్టిందన్నారు. ఆలస్యమైనా నిజాలు నిగ్గు తేలుతాయన్నారు. మాజీ ప్రిన్సిపల్​ టీఎంసీకి అత్యంత దగ్గరి వాడైనందునే అతనికి కళాశాల నిర్ణయాల్లో అడ్డూ అదుపు లేకుండా పోయిందన్నారు. ఒక గ్యాంగ్​ నే మెయింటెన్​ చేసే స్థాయికి ఎదిగాడంటే అతను ఎవరి ప్రోద్భలంతో చేశాడని ప్రశ్నించారు. ఆయా విషయాలకు త్వరలోనే సమాధానం లభిస్తుందన్నారు. ఏది ఏమైనా ఈ హత్య కేసులో మమత ప్రభుత్వం పతనం ఖాయమన్నారు. 
వైద్య విద్యార్థి సంఘాల ఆందోళన, నిరసనలకు బీజేపీ పూర్తి మద్ధతు ఇస్తోందన్నారు. నిజానిజాలను వెలికితీసే వరకు వదలబోమన్నారు. బాధితులకు సత్వర న్యాయం అందించేందుకు బీజేపీ కేంద్ర ప్రభుత్వం ప్రయత్నిస్తోందని మజుందార్​ తెలిపారు.