ఆగస్ట్​ 25న మన్​ కీ బాత్​

నా తెలంగాణ, న్యూ ఢిల్లీ: ప్రధానమంత్రి అత్యంత ప్రతిష్ఠాత్మకంగా నిర్వహిస్తున్న ‘మన్​ కీ బాత్​’ కార్యక్రమం ఆగస్ట్​ 25 నిర్వహించనున్నట్లు ప్రధాని కార్యాలయం సోమవారం విడుదల చేసిన ప్రకటనలో తెలిపింది. 113వ ఎపిసోడ్​ లో ప్రసారమవుతుందని పేర్కొంది. ఆల్​ ఇండియా రేడియో, దూరదర్శన్​, వెబ్​ సైట్లలో ఈ కార్యక్రమాన్ని వీక్షించవచ్చని తెలిపింది. ప్రాంతీయ భాషల్లో కూడా ఈ కార్యక్రమ వివరాలను ప్రసారం చేయనున్నట్లు తెలిపారు. ఈ కార్యక్రమంలో తమ ఆలోచనలు, సూచనలు పంచుకోదలిస్తే టోల్ ఫ్రీ నంబర్ - 1800 11 7800లో సంప్రదించాలన్నారు. నరేంద్ర మోదీ యాప్​, మై గవర్నమెంట్ ఓపెన్ ఫోరమ్‌లో కూడా ఆలోచనలు పంచుకోవచ్చన్నారు. ఆగస్ట్​ 23వ తేదీ వరకు ఆలోచనలు స్వీకరించనున్నట్లు పేర్కొన్నారు.