మహాలో ప్రముఖుల ఓట్లు
Mahalo celebrity votes
ముంబాయి: మహారాష్ర్టలో ప్రముఖులు ఉదయాన్నే తమ ఓటు హక్కు వినియోగించుకున్నారు. మహారాష్ట్ర డిప్యూటీ సీఎం దేవేంద్ర ఫడ్నవీస్ నాగ్‌పూర్ లో తల్లి సరితా ఫడ్నవీస్, భార్య అమృత ఫడ్నవీస్ తో కలిసి ఓటు హక్కు వినియోగించుకున్నారు. నాగ్ పూర్ లో కేంద్రమంత్రి నితిన్ గడ్కరీ ఓటు వేశారు. ప్రతీ ఒక్కరూ ఓటుహక్కును వినియోగించుకోవాలని పిలుపునిచ్చారు. ప్రముఖ సినిమా నటుడు అక్షయ్ కుమార్ తన ఓటు హక్కును వినియోగించుకున్నారు. క్రికెటర్ సచిన్ టెండూల్కర్ ముంబాయిలో తన ఓటు హక్కు వినియోగించుకున్నారు. ప్రతీ ఒక్కరూ ఇళ్ల నుంచి బయటికి వచ్చి ఓటు హక్కు వినియోగించుకోవాలని పిలుపునిచ్చారు. ఎలక్షన్ కమిషన్ తనను బ్రాండ్ అంబాసిడర్ గా నియమించుకోవడం గర్వకారణమన్నారు. బారామతి నుంచి సుప్రియా సూలే, ఆయన తండ్రి శరద్ పవార్ ఓటు హక్కు వినియోగించుకున్నారు. ముంబాయి బీజేపీ అధ్యక్షుడు ఆశిష్ తన ఓటు వేశారు. నాగ్ పూర్ లో ఆర్ ఎస్ ఎస్ నాయకుడు జోషి ఓటు హక్కు వినియోగించుకున్నారు. అజిత్ పవార్ ఎన్సీపీ బారామతిలో ఓటు హక్కు వినియోగించుకున్నారు. మహాయుతి అధికారంలోకి వస్తుందని ధీమా వ్యక్తం చేశారు. బిట్ కాయిన్ ఆరోపణల్లో సుప్రియా సూలేదే ఫోన్ సంభాషణ అని అన్నారు. మహారాష్ర్ట గవర్నర్ సిపి రాధాకృష్ణన్ ముంబాయిలో తన ఓటు హక్కు వినియోగించుకున్నారు. ఈ సందర్భంగా ఆయన మాట్లాడుతూ.. భారత్ అత్యంత పెద్ద ప్రజాస్వామ్య దేశమన్నారు. ప్రతీఒక్కరూ తమ ఓటు హక్కును వినియోగించుకోవాలని విజ్ఞప్తి చేశారు. నాగ్ పూర్ లో ఆర్ ఎస్ ఎస్ ప్రముఖ్ ఆర్.ఎస్. భగవత్ తన ఓటు హక్కు వినియోగించుకున్నారు. ప్రతీ ఒక్కరూ ఓటు వేయడం వారి కనీస బాధ్యత అన్నారు.
ప్రధాని మోదీ విజ్ఞప్తి..
మహారాష్ర్ట ఎన్నికల్లో పెద్ద ఎత్తున ఓటింగ్ లో పాల్గొనాలని ప్రధానమంత్రి నరేంద్ర మోదీ ఓటర్లకు విజ్ఞప్తి చేశారు. ప్రజాస్వామ్య విలువలను కాపాడాల్సిన అవసరం ప్రతీఒక్కరిపై ఉందన్నారు. ఓటింగ్ లో ఉత్సాహంగా పాల్గొనాలని, యువకులు, వృద్ధులు, మహిళలు, నూతన ఓటర్లు అనే తేడా లేకుండా ప్రతీఒక్కరూ ఉదయాన్నే ఓటు వేయాలని ప్రధాని మోదీ కోరారు.
