లోకాయుక్త దాడులు రూ. 52 కేజీల బంగారం, రూ. 10 కోట్ల నగదు స్వాధీనం

మాజీ ఆర్టీఓ కానిస్టేబుల్​ స్థావరాలపై సోదాలు

భోపాల్​: మాజీ ఆర్టీఓ కానిస్టేబుల్​ ఇంటిపై లోకాయుక్త దాడులు నిర్వహించింది. ఈ దాడుల్లో 52 కిలోల బంగారం, రూ. 10 కోట్ల నగదును స్వాధీనం చేసుకున్నారు. గురువారం అర్థరాత్రి లోకాయుక్త, పోలీసు అధికారులు సంయుక్తంగా ఈ దాడులను నిర్వహించి అధికారి అవినీతి బాగోతాన్ని గుట్టురట్టు చేశారు. తండ్రి మృతి చెందడంతో మాజీ ఆర్టీవో కానిస్టేబుల్​ సౌరభ్​ శర్మ కారుణ్య నియామకం కింద విధులు చేపట్టాడు. 12యేళ్లు తర్వాత పదవి విరమణ పొందాడు. 12 యేళ్లలో భారీ అవినీతిని పోగేసినట్లు లోకాయుక్తకు ఉప్పందింది. దీంతో సౌరభ్​, ఇతని స్నేహితుడు చందన్​ సింగ్​ గౌర్​ లపై సంయుక్త దాడుల చేశారు. మెండోరి గ్రామ సమీపంలో ఓ కారులో 52 కేజీల బంగారం, రూ. 10 కోట్ల నగదును స్వాధీనం చేసుకున్నారు. సౌరభ్​ పై అనేక అవినీతిని ఆరోపణలున్నాయి. ఇంట్లో రూ. 2.5 కోట్ల నగదు, ఆస్తుల పత్రాలను స్వాధీనం చేసుకున్నారు. రిటైర్మెంట్​ తరువాత సౌరభ్​ శర్మ రియల్​ వ్యాపారం చేస్తున్నారు. ఈ దాడులపై ఇంకా విచారణ కొనసాగుతుందని లోకాయుక్త ఏడీజీ జైదీప్​ ప్రసాద్​ ప్రకటించారు.