స్పేస్​ డాకింగ్​ కు ఇస్రో సిద్ధం

డిసెంబర్​ 30న పీఎస్​ ఎల్​ వీ సీ–60 ద్వారా ప్రయోగం

నా తెలంగాణ, న్యూ ఢిల్లీ: ఇస్రో స్పేస్​ డాకింగ్​ ఎక్స్​ పెరిమెంట్​ స్పాడెక్స్​ కు సిద్ధమైంది. ఈ మిషన్​ ను డిసెంబర్​ 30 (సోమవారం) చేపట్టనున్నట్లు ఇస్రో స్పష్టం చేసింది. శనివారం సామాజిక మాధ్యమంలో ఇస్రో ఈ మిషన్​ పై జరుగుతున్న పనులతో కూడి చిత్రాలను పోస్ట్​ చేసింది. అంతరిక్షంలో రెండు ఉపగ్రహాలను ఒకేసారి ప్రయోగించనున్నామన్నారు. స్పాడెక్స్​ మిషన్​ పై అంతరిక్ష శాఖ సహాయ మంత్రి డా. జితేంద్ర సింగ్​ మాట్లాడుతూ.. అంతరిక్ష రంగంలో భారత్​ కు ఈ మిషన్​ కీలకమైందన్నారు. పీఎస్​ ఎల్​ వీ ద్వారా దీన్ని ప్రదర్శించేందుకు సిద్ధంగా ఉన్నామన్నారు. పూర్తి స్వదేశీ సాంకేతికతను ‘భారతీయ డాకింగ్​ సిస్టమ్​’తో రెండు ఉపగ్రహాలను ప్రయోగిస్తామని తెలిపారు. 

ఈ మిషన్​ లో ఎస్​ డీఎక్స్​–01, ఎస్​ డీఎక్స్​–02 అనే రెండు సారూప్య ఉపగ్రహాలను ప్రయోగించనున్నారు. ఒక్కో ఉపగ్రహం 220 కేజీల బరువు ఉంటుంది. ఈ ఉపగ్రహాలను భూమి నుంచి 470 కి.మీ. ఎత్తులో పీఎస్​ ఎల్​ వీ సీ–60 రాకెట్​ ద్వారా శ్రీహరి కోట స్పేస్​ సెంటర్​ నుంచి కక్ష్యలో ప్రవేశపెట్టనున్నారు. ఈ మిషన్​ ద్వారా భవిష్యత్​ లో అంతరిక్ష కేంద్రం ఏర్పాటుకు అవసరమైన క్లిష్టమైన ఇన్​ స్పేస్​ డాకింగ్​ సాంకేతికతను అభివృద్ధి చేయడం, ప్రదర్శించడమే లక్ష్యంగా పెట్టుకున్నారు. ఈ మిషన్​ విజయవంతమైతే అంతరిక్షంలో ముందున్న దేశాల్లో భారత్​ నాలుగో స్థానాన్ని నిలుపుకోనుంది.