లిక్కర్ స్కామ్ ఆప్ మంత్రి కైలాష్ గెహ్లాట్ను విచారిస్తున్న ఈడీ
మద్యం కుంభకోణంలో ఆప్ మంత్రి కైలాష్ గెహ్లాట్ను ఈడీ విచారిస్తోంది. గెహ్లాట్ విచారణకు రావాలని శుక్రవారం సమన్లు పంపింది.
న్యూఢిల్లీ: మద్యం కుంభకోణంలో ఆప్ మంత్రి కైలాష్ గెహ్లాట్ను ఈడీ విచారిస్తోంది. గెహ్లాట్ విచారణకు రావాలని శుక్రవారం సమన్లు పంపింది. ఈ నేపథ్యంలో శనివారం ఉదయం ఆయన ఢిల్లీలోని ఈడీ కార్యాలయంలో విచారణకు హాజరయ్యారు. మద్యం పాలసీ రూపొందించిన వారిలో మంత్రి కైలాష్ గెహ్లాట్ కూడా ఉన్నారని ఈడీ వెల్లడించింది. కైలాష్ గెహ్లాట్ తన అధికారిక నివాసాన్ని దక్షిణాది మద్యం వ్యాపారి విజయ్ నాయర్‌కు ఇచ్చారనే ఆరోపణలు కూడా ఉన్నాయి. ఈ సమయంలో కైలాష్ గెహ్లాట్ తన మొబైల్ నంబర్‌ను కూడా పలుమార్లు మార్చుకున్నారని ఈడీ గతంలో పేర్కొంది. డ్రాఫ్ట్ తయారీ సందర్భంగా డబ్బులు ఎన్ని చేతులు మారి ఎవరెవరి వద్దకు చేరాయన్న విషయాలపై ఈడీ కూపీ లాగుతోంది. ఇప్పటికే ఈ కేసులో దిగ్గజ నేతలను అరెస్టు చేసిన విషయం తెలిసిందే. మరోవైపు ఈ స్కామ్లో తొలిసారిగా పంజాబ్ మూలాలు కూడా లభించినట్లు ఈడీ పేర్కొంటోంది.
