జూన్ 1వరకు ఎగ్జిట్ పోల్స్పై నిషేధం
ప్రకటన విడుదల చేసిన ఈసీ
న్యూఢిల్లీ: లోక్ సభ ఎన్నికలకు తుది విడత పోలింగ్ పూర్తయ్యే వరకు ఎగ్జిట్ పోల్ ఫలితాలు ప్రకటించడాని ఎన్నికల కమిషన్ నిషేధించింది. ఏప్రిల్ 19 న ఉదయం 7 గంటల నుంచి జూన్ 1 రాత్రి 7.30 గంటల వరకు ఎగ్జిట్ పోల్స్పై నిషేధం విధిస్తున్నట్లు కేంద్ర ఎన్నికల కమిషన్ శనివారం ప్రకటించింది. ఈసీ ఆదేశాలను ధిక్కరిస్తే చట్టపరమైన చర్యలకు బాధ్యులవుతారని హెచ్చరించింది. ఇప్పటికే మొదటి విడత నోటిఫికేషన్ విడుదలైంది. ఎన్నికల కోడ్ అమల్లోకి వచ్చిన విషయం తెలిసిందే. మొదటి విడతలో లోక్సభతో పాటు నాలుగు రాష్ట్రాల అసెంబ్లీలకు ఎన్నికలు కూడా వివిధ దశల్లో ఓటింగ్ జరగనుంది. ప్రింట్ అండ్ ఎలక్ట్రానిక్, సోషల్ మీడియా ఏదైనా వేదికల ద్వారా గానీ ప్రజాప్రాతినిధ్య చట్టం నిబంధనల ప్రకారం నడుకోవాలని ఈసీ స్పష్టం చేసింది.
