కొండచరియలు, రోడ్లకు నష్టం

నా తెలంగాణ, న్యూ ఢిల్లీ: వర్షాలు, వరదలతో కొండచరియలు విరిగిపడడం, రోడ్లకు నష్టం వాటిల్లడం లాంటి వాటికి శాశ్వత పరిష్కార మార్గాలను వెతకాల్సిన ఆవశ్యకత ఉందని కేంద్ర రవాణా, రహదారుల శాఖ మంత్రి నితిన్​ గడ్కరీ అన్నారు. మంగళవారం న్యూ ఢిల్లీలో జరిగిన టన్నెలింగ్​ ఇండియా రెండో ఎడిషన్​ లో ఆయన పాల్గొని ప్రసంగించారు. ఈ సందర్భంగా టన్నెలింగ్​ అభివృద్ధిపై ఫిక్కి, క్రిసిల్​ నాలెడ్జ్​ నివేదికను గడ్కరీ ఆవిష్కరించారు. తక్కువ ఖర్చుతో నాణ్యమైన రోడ్లను నిర్మించే అవశ్యకత వైపు దృష్టి సారించాలన్నారు. నూతనంగా చేపడుతున్న ప్రాజెక్టుల ద్వారా భారత ఆర్థిక వ్యవస్థ వేగంగా అభివృద్ధి దిశగా వెళుతోందన్నారు. సవాళ్లను సమర్థవంతంగా ఎదుర్కొని పరిష్​కరించాల్సిన అవసరం ఉందన్నారు. 

అనంతరం బీఆర్​ వో లెఫ్ట్​ నెంట్​ జనరల్​ రఘు శ్రీనివాసన్ మాట్లాడుతూ.. దేశంలో టన్నెలింగ్​ ల నిర్మాణాల ద్వారా అనేక ప్రాంతాల కనెక్టివిటీ మెరుగుపడుతుందన్నారు. దీంతో దూరాభారాలు తగ్గడమే గాకుండా సరిహద్దులోని చివరి గ్రామాల వారికి కూడా తోడ్పాటు లభిస్తుందన్నారు.