అమెరికా సీఐఏ చీఫ్ గా కాష్ పటేల్?
భారతీయ సంతతి వారికి తొలి ప్రాధాన్యం
వాషింగ్టన్ డీసీ: ట్రంప్ అధికారంలో భారత సంతతికి చెందిన కాష్ పటేల్ కు సీఐఏ చీఫ్ పదవి లభించే అవకాశం ఉంది. సీఐఏ చీఫ్ పదవి రేసులో పటేల్ తోపాటు వివేక్ రామస్వామి, జిందాల్ లు కూడా వరుసలో ఉన్నారు. వీరు ట్రంప్ బృందం భారతీయుల్లో అతిముఖ్యలుగా ముద్రపడ్డారు. ఈ నేపథ్యంలో డొనాల్డ్ ట్రంప్ కూడా వీరికి అత్యంత ప్రాధాన్యతనిస్తారు. ఒకవేళ కాష్ పటేల్ ను సీఐఏ చీఫ్ గా ఎన్నిక చేసినా మరో ఇద్దరికి కూడా ట్రంప్ మంత్రివర్గంలో చోటు లభించే అవకాశం ఉంది. సీఐఏ చీఫ్ పదవి రేసులో తొలివరుసలో భారతీయులే నియమించాలని ట్రంప్ గతంలోనే నిర్ణయించినట్లు చెబుతారు.
జో బైడెన్ చేతిలో ఓడిపోయే ముందు ట్రంప్ కాష్ పటేల్ నే సీఐఏ చీఫ్ గా నియమించాలని అనుకున్నారు. కానీ ఆ సమయంలో ఆయన ప్రయత్నం ఫలించలేదు. 2023లో కూడా కాష్ పటేల్ ను ఉద్దేశిస్తూ సిద్ధంగా ఉండాలని అన్నారు. ఈ వ్యాఖ్యల ప్రకారం సీఐఏ చీఫ్ గా కాష్ పటేల్ వైపే ట్రంప్ మొగ్గు చూపుతున్నారని అర్థమవుతుందని రాజకీయ విశ్లేషకులు భావిస్తున్నారు.
