విభవ్​ జ్యూడీషియల్​ కస్టడీ పెంపు

నా తెలంగాణ, న్యూ ఢిల్లీ: ఆప్​ రాజ్యసభ సభ్యురాలు స్వాతిమాలివాల్​ పై దాడి కేసులో విభవ్​ కుమార్​ జ్యూడీషియల్​ కస్టడీని జూన్​ 22వరకు కోర్టు పొడిగించింది. శనివారం ఈ కేసుపై విచారణ చేపట్టింది. వీడియో కాన్ఫరెన్స్​ ద్వారా విభవ్​ కుమార్​ విచారణకు హాజరయ్యారు. దాడిపై ఐపీసీలోని పలు సెక్షన్ల కింద మే 16న విభవ్​ పై ఎఫ్​ ఐఆర్​ నమోదు చేశారు. మే 13న స్వాతిమాలివాల్​ పై సీఎం హౌస్​ లో దాడి చేశారన్న ఆరోపణలు విభవ్​ ఎదుర్కొంటున్నారు.