స్వాతిపై దాడి.. నోరు మెదపని హస్తం నేతలు

నా తెలంగాణ, న్యూ ఢిల్లీ: స్వాతిమాల్​ పై దాడి విషయంలో కాంగ్రెస్​ పార్టీ ఆచీతూచీ వ్యవహరిస్తోంది. ప్రియాంక గాంధీ గురువారం ప్రకటన తరువాత ఆమె కూడా స్పష్టమైన నిర్ణయం వెల్లడించలేదు. అండగా ఉంటానని మాత్రమే వెల్లడించింది. మరోవైపు చిన్న విషయాన్ని కూడా రాద్ధాంతం చేసే ఆ పార్టీ నాయకులు సోనియా, రాహుల్​, ఖర్గే, అధీర్​ రంజన్​, జై రామ్​ రమేశ్​ వంటి వారు కూడా నోరు మెదకపపోవడం విశేషం. 

శుక్రవారం విలేఖరుల సమావేశం ఏర్పాటు చేసిన జై రామ్​ రమేశ్​ విలేఖరులు స్వాతిమాలివాల్​ అంశంపై పలుమార్లు ప్రశ్నించినా నోరు మెదపలేదు. కేవలం వాతావరణం అంశంపై మాట్లాడి సమావేశాన్ని ముగించారు.

కాంగ్రెస్​ పార్టీతో ఆప్​ పార్టీ జతకట్టడంతోనే ఆ పార్టీ విషయంలో స్పందించేందుకు వెనకడుగు వేస్తున్నారని అన్నారు. ఘటన జరిగి మూడు రోజులు గడుస్తున్నా సీఎం కేజ్రీవాల్​, కాంగ్రెస్​ బడా నాయకులు స్పందించడం లేదు. మరోవైపు నిందితుడి బిభవ్​ తో పాటు లక్నోకు వెళ్లిన కేజ్రీవాల్​, అఖిలేష్​ లు కూడా ఈ విషయంపై స్పందించకపోవడం విశేషం. స్వాతి మాలివాల్​ విషయంపై ప్రశ్నించినప్పటికీ జై రామ్​ రమేశ్​ వ్యాఖ్యానించేందుకు నిరాకరించారు.
అయితే రాహుల్​ గాంధీ, అరవింద్​ కేజ్రీవాల్​ లో బహిరంగ సభ నిర్వహణకు ఏర్పాటు చేసే సమయంలో ఈ ఘటన చోటు చేసుకోవడంతో ఆ సభ జరగడంపై నీలినీడలు కమ్ముకున్నాయి.