హైకోర్టులో కేజ్రీకి ఝలక్​

నా తెలంగాణ, న్యూ ఢిల్లీ: ఢిల్లీ హైకోర్టులో మరోసారి అరవింద్​ కేజ్రీవాల్​ కు షాక్​ తగిలింది. అరెస్టు పిటిషన్​ ను శుక్రవారం విచారించిన ఢిల్లీ హై కోర్టు పిటిషన్​ ను తిరస్కరించింది. దీంతో సీఎంకు ఇక సుప్రీంకోర్టుపైనే ఆశ మిగిలింది. పిటిషన్​ లో మోడల్ కోడ్ ఆఫ్ కండక్ట్ అమలులోకి వచ్చిన తర్వాత ఏ నాయకుడిని అరెస్టు చేసినా వెంటనే ఎన్నికల కమిషన్‌కు సమాచారం అందించాలని డిమాండ్ చేస్తూ దాఖలైన పిటిషన్‌ను హైకోర్టు తోసిపుచ్చడంతో ఆప్​ కు నిరాశే ఎదురైంది. 

తాత్కాలిక ప్రధాన న్యాయమూర్తి మన్మోహన్, న్యాయమూర్తి జస్టిస్ మన్మీత్ పిఎస్ అరోరా మాట్లాడుతూ, ప్రస్తుతం దాఖలు చేసిన పిటిషన్‌ను నిర్వహించడం సాధ్యం కాదని కోర్టు గమనించినట్లు పేర్కొన్నారు. ఆ వ్యక్తి ఇంకా జ్యుడీషియల్ కస్టడీలోనే ఉన్నాడని చెప్పారు. ఇది ప్రస్తుత పిటిషన్‌కు సంబంధించిన అంశం కాదన్నారు. కాబట్టి ఈ పిటిషన్‌ను కొట్టివేస్తున్నామని స్పష్టం చేశారు. 

మరోవైపు అరవింద్ కేజ్రీవాల్ పిటిషన్‌పై సుప్రీంకోర్టులో విచారణ జరుగుతోంది. అరెస్టు, రిమాండ్‌కు వ్యతిరేకంగా పిటిషన్ దాఖలు చేశారు. ఎన్నికల వేళ మధ్యంతర బెయిల్‌ను పరిగణనలోకి తీసుకోవచ్చని సుప్రీం కోర్టు వ్యాఖ్యానించింది.