మిని గురుకులంలో దరఖాస్తులకు ఆహ్వానం

నా తెలంగాణ, డోర్నకల్: మహాబూబాబాద్ జిల్లా మరిపెడ మండల పరిధిలోని తెలంగాణ గిరిజన సంక్షేమ మిని గురుకులం(బాలికల)లో 2024-2025 విద్యా సంవత్సరానికి గాను దరఖాస్తులు ఆహ్వానిస్తున్నట్లు ప్రాంతీయ సమన్వయ అధికారిని ఏవీ రాజ్యలక్ష్మి ఓ ప్రకటనలో పేర్కొన్నారు. ఒకటవ తరగతి ఆంగ్ల మాధ్యమంలో ప్రవేశాలకు ఆరు సంవత్సరాలు కలిగిన బాలికలు అర్హులని పేర్కొన్నారు. ఒకటవ తరగతిలో 30 సీట్లు, 2వ తరగతి నుంచి 5వ తరగతి వరకు బ్యాక్​ లాగ్​ ఖాళీలను కూడా భర్తీ చేయనున్నట్లు తెలిపారు. గురుకులంలో ఉన్న మరిపెడ మండలానికి చెందిన విద్యార్థులకీ మొదటి ప్రాధాన్యత ఉంటుందని ఎంపికైనా విద్యార్థులకు ఉచిత భోజనం వసతి, పుస్తకాలు, నోట్ బుక్స్, బెడ్ షీట్స్ తదితర అన్నిరకాల సౌకర్యాలు కల్పించడాం జరుగుతుందన్నారు. ఈ నెల 10 వ తేదీ నుంచి 18 వ తేదీ లోపు ఆసక్తి కలవారు నేరుగా మినీ గురుకులానికి  వచ్చి సంప్రదించాలని కోరారు. మరిన్ని వివరాలకు ఇంచార్జి హెచ్ ఎం నెంబర్ 9381153893ను సంప్రదించాలని కోరారు.