నీటి సంక్షోభం బీజేపీ ధర్నా

నా తెలంగాణ, న్యూ ఢిల్లీ: ఆప్​ ప్రభుత్వం కావాలనే కృత్రిమ నీటి కొరతను సృష్టించిందని ఢిల్లీ బీజేపీ నాయకురాలు బాన్సూరి స్వరాజ్​ ఆరోపించారు. తీవ్ర నీటి ఎద్దడితో ఢిల్లీ ప్రజల తరఫున స్వరాజ్​ శుక్రవారం షాహిదీ పార్క్ నుంచి ఢిల్లీ సెక్రటేరియట్ వరకు నిరసన చేపట్టారు. 2013లో రూ. 600 కోట్ల లాభాల్లో ఉన్న ఢిల్లీ జల్​ బోర్డు ప్రస్తుతం రూ. 73 వేల కోట్ల నష్టాల్లోకి ఎలా చేరిందని ప్రశ్నించారు. ఉచిత నీటికి హామీ ఇచ్చి ప్రజలకు నీరందించకుండా మీనమేషాలు లెక్కిస్తున్నారా? అని ప్రశ్నించారు. రెండురోజుల్లో సీఎం జైలుకు వెళతారు. ఆ తరువాత ఈ సమస్యను పట్టించుకునే నాథుడే ఉండరని ఆగ్రహం వ్యక్తం చేశారు. నీటి కొరత కారణంగా విద్యుత్​ సంక్షోభం కూడా ఏర్పడుతుందన్నారు. 7438 మెగావాట్ల విద్యుత్​ డిమాండ్​ ఉందన్నారు. పక్క ప్రాంతాల నుంచి నీటిని రప్పించుకోలేని చేతకాని ప్రభుత్వం కేజ్రీవాల్​ దని మండిపడ్డారు. ఆప్​, సీఎంకు వ్యతిరేకంగా పెద్ పెట్టున నినాదాలు చేశారు. చేతిలో బిందెలు, నీళ్ల డబ్బాలతో నిరసన చేపడుతూ బాన్సూరి స్వరాజ్​ ప్రభుత్వ చర్యలను తూలనాడారు.